Hugh Laurie

Eus Wikipedia
Mont da : merdeiñ, klask
Hugh Laurie
Hugh Laurie e 2005.
Hugh Laurie e 2005.

Ganedigezh 11 a viz even 1959
Oxford Bro-Saoz
Broadelezh Saoz
Micher(ioù) aktour, skrivagner senario ha romantoù, produktour, sevener, krouer, soner ha kaner.
Pried(où) Jo Green abaoe 1989
Lec'hienn genrouedad http://hughlaurieblues.com

Hugh Laurie, ganet Hugh Calum Laurie, ganet d'an 11 a viz Even 1959 en Oxford a zo un aktour, skrivagner senario ha romantoù, produktour, sevener, krouer, soner ha kaner saoz.

Buhez ha yaouankiz[kemmañ]

Hugh Laurie a zo ganet ha bet savet en Oxford. Bet eo e Dragon School a-raok mont da skolaj Eton ha da Selwyn College e Cambridge, el lec'h m'en deus studiet an arkeologiezh hag an antropologiezh. E dad Ran Laurie en doa tapet ur vedalenn aour er c'hoarioù olimpek hañv e Londrez e roeñviñ (1948). Hugh a roeñvas ivez e-pad e studioù, peogwir e tapas perzh e redadeg hollvrudet Oxford-Cambridge (Cambridge a gollas ar bloavezh-se evit ur metrad hanter !). E-pad e vloavezh kentañ skol-veur e reas anaoudegezh gant an aktourez saoz Emma Thompson. Degemeret eo goude e Cambridge Footlights, un taol-lañs alies evit an aktourien saoz, evel John Cleese pe Tom Hollander. Pa voe kinniget gouel fin ar bloaz ar Footlights e skeud Edinburgh Fringe Festival e 1980, e kej Laurie gant Stephen Fry hag e-pad e vloavezh diwezhañ studi, e 1981, et teu da vezañ prezidant ar c'hlub (pa 'z eo Emma Thompson an eilprezidantez).

Dimezet eo gant abaoe ar 16 a viz Even 1989 gant Jo Green, mestrez ur c'hoariva. Tri bugel o deus, Charlie (1988), William (1991) ha Rebecca (1993).