Ganga
Evit implijoù all, gwelet Ganga (disheñvelout).
 Ganga
| |
|---|---|
 | |
| Statud | stêr |
| Hirder | 2510 km |
| Uhelder an eienenn | etre 7800 m ha 6600 m |
| Kas keitat | 14.270 m³/s |
| Gorread an diazad | 2.165.000 km² |
| Bro(ioù) douret | India, Bangladesh |
| Diazad stêrioù |
? |
| En em daol e | Pleg-mor Bengal |
| Ledander er genoù | ? |
| Andon | kember ar Bhagirathi hag ar Alaknanda |
| Adstêrioù | |
Ar stêr Ganga (hindi : गंगा Gaṅgā, bengali : গঙ্গা Gōnga) zo ur stêr vras en hanternoz India, 2 500 pe 3 000 km dezhi a-hervez, hag ur stêr sakr d'an Hindoued, ar santelañ eus ar seizh stêr santel er vro.
Emañ an eien anezhi er skorneg Gangotri, er menezioù Himalaya. E gwirionew ne reer Ganga nemet eus ar stêr a zeu diwar kengej ar stêrioù Bhagirathi hag Alaknanda, e-kichen Deoprayag. En em deurel a ra ar Ganga e Pleg-mor Bengal, dre veur a vrec’h. Unan anezho eo ar stêr Hugli, e-kichen Kolkata ; unan all eo ar Padma, ur stêr eus Bangladesh. Korn-bro delta ar Ganga, war aod Pleg-mor Bengal zo anvet Sunderbans (Shundorbon) ("koad kaer" e banglaeg) ha goloet eo gant ur goadeg mangez, annezet gant tigred Bengal.
Ar stêr Yamuna, ur stêr sakr ivez, zo un adstêr d’ar Ganga, hag en o c’hember emañ kêr Allahabad, ur gêr sakr evit an Hindoued.
Er stêr Ganga e vev daou spesad delfined, Delfined ar Ganga ha Delfined an Irrawaddy. Ur spesad rinkined a gaver eno ivez, unan dianav a-walc’h, ar Glyphis gangeticus.
