Galateg

Eus Wikipedia
Mont da : merdeiñ, klask
Galateg
(?)
Henyezh
Perzhioù
Komzet e : Yezh varv
Rannved :
Komzet gant : Yezh varv
Renkadur : goude 100
Familh-yezh : Yezhoù Indezeuropek
Statud ofisiel
Yezh ofisiel e : -
Akademiezh : -
Kodoù ar yezh
ISO 639-1 -
ISO 639-2 -
ISO 639-3
Kod SIL -
Sellit ivez ouzh ar pennad Yezh.

Ur yezh keltiek kar nes d'ar galianeg eo ar galateg hag ur yezh varv a zo bet komzet e Galatia, bro ar C'halated, e-kreiz Azia-Vihanañ tro-dro da gêr-benn Turkia, Ankara hiziv (bet Ankira hag Angora gwechall). N'eus chomet nemet nebeut a roudoù pa n'eus testenn hir anavezet ebet. Anaout a reer war-dro 120 ger, anvioù-tud an darn-vuiañ anezho. Deuet int betek ennomp dre ar skridoù gresianek kozh ha gant un nebeud enskrivadurioù.

Istor berr[kemmañ]

Deuet e oa ar C'halated, ur bobl kar d'ar Galianed, da reiñ skoazell da roue Bitinia, hag en em staliañ a rejont e kreiz Azia-Vihannañ war-dro 277 kent JK. Menegiñ a ra sant Yerom e veze komzet galateg c'hoazh er IVe kantved, hag e oa ur yezh heñvel ouzh hini tud Trier (Alamagn hiziv) hervezañ.

Mesket eo bet tamm ha tamm ar C'halated gant ar c'hresianegerien ken ne ouzer ket pedavare eo bet aet o yezh da get. Aloubet eo bet o rannvro gant an Durked seldjoukour en XIvet kantved.

Keñveriadur gant yezhoù keltiek all[kemmañ]

  • Hervez Strabon en em vode ar C'halated eus pep an tri veuriad en ul lec'h anvet Drunemeton (30 km e Su Ankara hag heñvel a-walc'h e seblant ouzh lec'h bodañ ar Garnuted). Komprenet e vez evel Dru + nemeton, ur ger galianeg evit lec'hioù sakr a veze stank e broioù ar C'halianed. Neved a vez graet e brezhoneg eus outo. Lod a lavar e teu dru eus ar wrizienn geltiek evit an derv, met e talvez ivez evit gouiezegezh.
  • Meur a anv-den galat a zo -riks e dibenn evel ar galianeg -rix, henvrezhoneg ri, da lavaret eo roue
  • Meur a anv-den galat a zo -marus e dibenn evel ma vez kavet -maros e galianeg : iwerzhoneg mor, brezhoneg meur
  • Un nebeut anvioù ar meuriadoù hag ismeuriadoù a zo heñvel pe beuzheñvel ouzh re ar C'halianed
    • An Ambitouti (iwerzhoneg imm = endro + tuath = meuriad - brezhoneg : tud
    • An D/Tektosages
      • ar Volked Tektosaged o doa preizhataet Delfos hag o nefe kaset ganto da Dolosa an aour o doa laeret, ur skourr d'ar meuriad galat moarvat. Sell ouzh an Ergerzhadeg bras
      • Tektosaged a c'hellfe talvezout evit "Klaskerien douar"
    • An D/Trokmed
    • An D/Tolitosbogied


Levrlennadur[kemmañ]

  • (en) Philip Freeman, The Galatian Language: A Comprehensive Survey of the Language of the Ancient Celts in Greco-Roman Asia Minor, Lewiston, New York, Mellen Press, 2001, ISBN 0-7734-7480-3,
  • (de)Leo Weisgerber, Galatische Sprachreste In Natalicium Johannes Geffcken zum 70. Geburtstag 2. Mai 1931 gewidmet von Freunden, Kollegen und Schülern, 151–75. Heidelberg, Carl Winter