Erquinghem-Lys

Labour ’zo d’ober c’hoazh a-raok peurechuiñ ar pennad-mañ. Ma fell deoc’h reiñ un tamm skoazell, krogit e-barzh. Mar karfec’h reiñ hoc’h ali ha netra ken, grit ’ta e pajenn ar gaozeadenn.

Kumunioù Frañs
Anv ofisiel	Erquinghem-Lys
Anv izelvroek	Erkingem aan de Leie
Skoed
Lec'hiadur Erquinghem-Lys e Kanton Armentières hag en Lille
Riez	Frañs
Departamant	Norzh
Bro hengounel
Arondisamant	Lille
Etrekumuniezh	Lille Métropole Communauté urbaine
Kanton	Armentières
Kod INSEE	59202
Kod post	59193
Maer	Alain Bézirard (Unvaniezh evit ul Luskad Poblel)
Amzer-gefridi	2008-2014
Gorread	8,94 km²
Led	50° 40' 34" Norzh
Hed	02° 50' 54" Reter
Uhelder kreiz	.. m
Uhelder bihanañ	12 m
Uhelder brasañ	20 m
Poblañs hep kontoù doubl	4 507 (2006)
Stankter	504 a./km²
Lec'hienn ar gumun	Erquinghem-Lys

Erquinghem-Lys e galleg, Erkingem aan de Leie en izelvroeg, a zo ur gumun hag ur gêr eus departamant gall Norzh e Bro-C'hall.

Istor

XIX^vet kantved

• 1854: savet e voe kumun nevez Bois-Grenier diwar ul lodenn eus tiriad kumun Erquinghem-Lys.

XX^vet kantved

• Brezel bed kentañ : Erquinghem-Lys a voe tapet d’an Alamaned e penn kentañ miz Here 1914 hag adkemeret gant Saozon ar 1st Somerset Light Infantry d’an 16 a viz Here 1914. Dalc’het e voe gant ar Re Gevredet betek an 10 a viz Ebrel 1918, pa rankas ar 101st Infantry Brigade hag ar 1st/4th Duke of Wellington's kilañ rak an Alamaned. Adkemeret e voe gant Lu Breizh-Veur e miz Gwengolo 1918 .

Monumantoù ha traoù heverk

Bered ar C'hommonwealth : Erquinghem-Lys Churchyard Extension

Bro	Niver a soudarded
Alamagn	130
Aostralia	32
Kanada	2
Rusia	1
Rouantelezh-Unanet	522
Zeland-Nevez	3
Hollad	690

Ur vered ag ar Brezel bed kentañ eo. Bezioù kentañ ar C’hommonwealth a voe graet e bered ar gumun adalek miz Here 1914 betek miz Genver 1915, met kaset e voent d’an astenn e 1925. Digoret e voe an astenn e miz Ebrel 1915. Implijet e voe gant nerzhioù ar C’hommonwealth betek miz Ebrel 1918 ha gant an Alamaned e-pad an hañv 1918 (gober a rejont gant bered ar gumun ivez) ha gant Luioù ar C’hommonwealth e mizioù Gwengolo hag Here 1918 en-dro .

Bered ar C'hommonwealth : Suffolk Cemetery, La Rolanderie Farm

Bro	Niver a soudarded
Rouantelezh-Unanet	43
Hollad	43

Ur vered ag ar Brezel bed kentañ eo. Atant (farm e saozneg) La Rolanderie a servijas da pennlec’h an 34th Division e mizioù C’hwevrer hag Eost 1916 hag e miz Meurzh 1918. Graet e voe ar vered-mañ adalek an 8 betek an 19 a viz Ebrel 1918. En atant e oa bet lakaet pennlec’h ar 121st Brigade, hag a voe kanoliataet ha bombezet garv. Er vered ez eus bezioù eus 43 soudard ag ar Rouantelezh-Unanet , 36 anezhe a oa en 11th ha 12th Suffolk Regiment, eizh anezhe o vout chomet dizanv. .

Douaroniezh

• War lez ar stêr Becque du Biez emañ Erquinghem-Lys. Tost ouzh an harzoù gant Belgia emañ.

Emdroadur ar boblañs 1793 - 2007

Mirdi

• Musée de l'Ercan