Diomedes

Diomedes, eiladenn roman eus un delwenn c'hresian hag a vije bet kizellet gant Kresilas (war-dro 440-430 kent J.-K.), Gliptaoueg München (Inv. 304)

Diomedes (Διομήδης, Diomếdes e gregach) a oa mab Tideus ha Deipile ha roue Argos hervez mojennoù Hellaz kozh.

Brezel ouzh Tebai

Perzh a gemeras gant an epigoned er brezel a-enep Tebai. Goude-se e voe roue en Argos, war-lerc'h e dad-kozh Adraste.

Brezel ouzh Troia

War-lerc'h ez eas gant ar pennoù hellazat all da ober brezel da Droia, ha gantañ 24 lestr. Kemer a reas perzh e brezel Troia e tu an Akeaned.

Mojenn Troilus ha Cressida

Diomedes a gemer perzh ivez e mojenn ar grennamzer Troilus ha Cressida. E pezh Shakespeare e klask kann ouzh Troilus evit kaout e vestrez.