Delta (stêr)

Delta ur stêr zo un dachenn douar etre penn ar stêr-se hag ar mor (pe ul lenn) m’eo rannet dourioù ar stêr etre meur a vrec’h. Un dachenn blat eo hag abalamour da se n’eus ket kalz a gas gant an dour. Chom a ra lec’hid ha meinadoù all da ouelezenniñ e naoz an aber ha rankout a ra an dour neuze kavout hentoù all da vont betek ar mor.

Dont a ra an anv eus hini al lizherenn c’hresianek delta, abalamour ma vez stumm un tric'horn gant delta gant al lizherenn-se, pa vez skrivet bras. Implijet e voe an anv delta, da gentañ, evit ober anv eus genoù an Nil, a oa ar stumm-se gantañ.

Un nebeud deltaoù bras (gant o gorread):

Stêr	Bro	Gorread
Ganga-Brahmaputra	Bangladesh	59 600 km²
Mekong	Vietnam	50 000 km²
Niger	Nigeria	36 300 km²
Volga	Rusia	27 224 km²
Mississippi	Stadoù Unanet	26 200 km²
Lena	Rusia	25 900 km²
Orinoko	Venezuela	24 600 km²
Nil	Ejipt	20 200 km²
Danav	Roumania	4 152 km²

Delta an Nil, gwelet eus ul loarell (Photo courtesy of NASA)
Delta war aod mervent Greunland, e-kichen Narsarsuaq
Delta ar stêr Ganga en India hag e Bangladesh zo unan eus ar re strujusañ er bed
Delta ar Ganga