Broc'h Amerika

Eus Wikipedia
Mont da : merdeiñ, klask
Broc'h Amerika
AmericanBadger.JPG
Rummatadur klasel
Riezad : Loened
Skourrad : Chordata
Kevrennad : Mammalia
Urzhiad : Carnivora
Kerentiad : Mustelidae
Genad : Taxidea
Anv skiantel
Taxidea taxus
Schreber, 1777
Ar pennad-mañ a denn d'ar
vevoniezh
AlphaHelixSection.svg Kantarell, Iduns kokbok.jpg Symbole-Zoo.png
Broc'h Amerika

Broc'h Amerika (Taxidea taxus) zo ur bronneg a vev e Norzhamerika (kornôg ha kreiz Stadoù-Unanet Amerika, norzh Mec'hiko ha kreiz Kanada), en endroioù sec'h ha digor ma vez an douar aes da doullañ.

Un dremm tric'hornek en deus gant roudennoù du ha gwenn hag ur c'horf krenndev goloet gant ur vlevenn c'hris. Pavioù kreñv en deus, gant skilfoù hir ha lemm war e bavioù a-raok ha berroc'h war e bavioù a-dreñv.

Broc'hed Amerika a hemolc'h razhed-godell, gozed, moreganed pe pikaed. Debriñ a c'hell naered, evned hag amprevaned ivez. Un aneval-noz eo ha na c'hoañv ket, met ne vez ket gwall oberiant e-pad ar goañv, ma chom da gousket ar braz eus an amzer.

En e-unan e vev e-pad an darn vrasañ eus ar bloaz. E-pad an hañv e ouenn broc'hed Amerika met daleet e vez an dougen evit ma c'hanfe ar re vihan dindan an douar da vare fin ar goañv.

Ar spesad nemetañ eo er genad Taxidea.

Liammoù diavaez[kemmañ]

broc'h Amerika war lioncrusher.com