Naer

Diwar Wikipedia, an holloueziadur digor

Naer-biton glas (Morelia Viridis)

Un naer (isurzhiad ar Serpentes) zo ur stlejvil, dezhi ur c'horf kranennek ha hir hep pavioù gwelus. Boutin eo ar perzh diwezhañ-mañ gant ur strollad mellkeineged tetrapodek anvet gymnophioned

Bodañ a reer dindan an anv a naered pe naeron an holl stlejviled hep pav ; o c'horf, goloet gant skantoù tanav ha pladennoù karnek, zo kranennek ha hir e stumm. Malvennoù o daoulagad zo stag ha boull ar pezh a laka anezhe da sellet par. Naeron a bep seurt liv hag a bep seurt ment zo. An holl a zebr loened ; vic'hanerien eo ar pep brasañ anezhe.

Er broioù kerreizh o hin e tozv ar parezed o vioù e diwezh an hañv, hag a-wezhioù ne zeuont ket a-benn da voueta a-walc'h kent goañviñ o kousket. Gallout a ra an naeron disjuntañ o c'harvanoù kreñv e doare ma c'hall al loened-se lonkañ preizhoù kalz brasoc'h evito. Lod eus ar spesadoù o deus gwagrennoù binim en o genoù. Lod zo gouest da lazhañ al loened flemmet.

Arabat eo o c'hemmeskañ gant an anered dall, spesadoù glazarded dibav.

[kemmañ] rummatadur

Er rummatadur filogenetek he deus kemeret hiziv an deiz lec'h rummatadur klasel ar bevien, an anv stlejvil zo aet diwar implij. Hervez ar rummatadur filogenetek, an naered zo izili eus strollad ar Squamataed.

Rannet eo an naeron e div isurzhiad :