Yvon

Yvon zo un anv-badez gallek, stankik e Breizh, ha deuet da vout anv-tiegezh.

Orin

Savet diwar Ivon, furm gallekaet al latin Ivo/Ivonis, bet istimet "brezhonekoc'h" eget Yves a-hed an XX^vet kantved.

Brud

Roet e veze an anv en XIX^vet hag en XX^vet kantved; war zisteraat ez a e vrud abaoe 1948, pa oa bet ouzhpenn 1300 bugel anvet Yvon.

Adstummoù

• Alain-Yvon, Jean-Yvon, Paul-Yvon, Pierre-Yvon, anvioù kevrennek
• Yvonnet, Yvonnick
• Yvonne, evit ar merc'hed.

Yezhoù all

• Ivon, Youenn e brezhoneg, hag Ivonet, Ivonig.

Tud

Anv-badez

Breizh

• Ivonet Omnes, kloareg eus ar XIV^vet kantved.
• Yvon Abiven, politikour
• Yvon Bertin, marc'hhouarner breizhat
• Yvon Bourges, politikour gall, prezidant Rannvro Breizh
• Yvon Crocq, anv gallek Ivon Krog, skrivagner brezhonek
• "Le Père Yvon", tad kabusin anavezet e-giz aluzener hardizh pesketaerien an Douar-Nevez (bet savet gantañ levrioù ha filmoù diwar-benn ar vuhez eno).

 Bro-C'hall

• Yvon Madiot, marc'hhouarner gall

Anv-tiegezh

• Claude Yvon (1714-1791), doueoniour hag enkiklopedour gall.
• Adolphe Yvon (1817 - 1893), livour gall

Lennegezh

• Yvon, unan eus an tri mab er gontadenn Priñsez ar Velandinenn, dastumet gant Fañch an Uhel e Keraodi e 1870.
• Mari hag Yvon hag ar Sirenn, kontadenn gant Barba Tassel, dastumet gant Fañch an Uhel e Plouared e 1870.

Pennad kar

• Yves
• Ivon