Youdith
Youdith, pe Judit e brezhoneg, a zo, hervez Levr Youdith ar Bibl, un intañvez yaouank hag he doa lazhet Olofern, pennkadour arme roue an Asirianed goude bezañ hoalet anezhañ dre he c'hened.
E soñj sujañ pobloù ar C'huzh-heol hag ar C'hreisteiz, en o zouez ar Yuzevien, e oa roue an Asirianed. Un armead niverus-kenañ a oa dindan urzhioù Olofern, e bennkadour[1].
Setu danvez an "istor" hervez troidigezh An Tour-Tan, el levrenn 5 :
« Baituloua, ur gêr vihan ouzh harzoù Israel, sezizet gant Olofern, a zo prest da gouezhañ. Ha setu ma sav d'an ampoent un intañvez yaouank eus ar gêr, hec'h anv Youdith, hag a ya da-gaout ar pennkadour betek en e dinell, da hoalañ anezhañ dre he c'hened, d'e zibennañ en e gousk, ha da zistreiñ davet he c'henvroiz, sabatuet-mik ouzh hec'h adwelout ha bec'h ganto o kompren penaos eo deuet a-benn ar vaouez kalonek da lakaat un termen da rogentez Olofern ha d'o saveteiñ war un dro diouzh an enkadenn m'en em gavent enni. »
Un arouez eus plas ar merc'hed er Bibl eo Youdith. Taolennet eo bet gant kalz arzourien.
Pennadoù kar
[kemmañ | kemmañ ar vammenn]Daveoù
[kemmañ | kemmañ ar vammenn]- ↑ Troidigezh An Tour-Tan, levrenn 5, 1986, p. 29.