Yann-Loeiz Emili
| Yann-Loeiz Emili | |
|---|---|
| Anv ofisiel | Jean-Louis Émily |
| Anv pluenn | Ab Eozen |
| Obererezh | Kazetenner, skrivagner, troour |
| Ganedigezh | d'an 9 a viz Genver 1884 e Kleder,  Bro-Leon, Breizh
|
| Marv | d'ar 27 a viz Here 1923 e Lannolon, Breizh
|
| Yezh skrivañ | Brezhoneg |
| Oberennoù pennañ | |
| Prizoniad er Ruhr | |
kemmañ  |
|
Yann-Loeiz Emili (Jean-Louis Émily e marilh ar boblañs) zo ur skrivagner brezhonek, un troour pezhioù-c'hoari hag saver eñvorennoù ganet e Kleder, d'an 9 Genver 1884 ha marvet e Lannolon d'ar 27 Here 1923. Skrivañ a reas pennadoù brezhonek er c'helaouennoù, dindan an anv-pluenn Ab Eozen peurvuiañ. Mervel a reas diwar ar gloazioù en doa tapet en un emgann evit ar Vro.
Buhez
[kemmañ | kemmañ ar vammenn]Mab e oa d'ar gov Yann Vari Eozen Emili ha da Vari-Añjela ar Moal. Studioù uhel en doe graet pa voe ur saozneger ampart hag ur saver pennadoù brezhonek evit ar Courrier du Finistère hag eñ mignon d'ar rener, Kaourintin an Ourz. E droidigezhioù pezhioù-c'hoari a voe embannet dalif.
Darempredoù en doe gant ar silhonisted hag ar sindikalourien kouer tro-dro da Gastell-Paol, asambles gant ar veleien Francis Bellec ha Charles Bonniec[1]. Prizoniet e oa bet e emgann Bapaume e derou an Brezel-bed kentañ ha kaset en ur c'hamp-bac'h prizonidi-brezel betek Nedeleg 1918. Kaset en doe e eñvorennoù a-dammoù er Courrier du Finistère e 1919 ha 1920.
Mervel a reas tri miz goude e eured, war-nes bezañ daou-ugent, diwar ar gloazioù gouzañvet er brezel. Dimeziñ en doe graet d'an 6 Eost 1923 e Lanollon gant Marie Pierre Tilly, ganet e 1893 er gumun-se.
Perzh a gemeras e krouidigezh Sindikad Kastell.
Oberennoù
[kemmañ | kemmañ ar vammenn]A-raok ar brezel e skrivas pennadoù er c'helaouennoù gant ur spered katolik hag voe tost d'al luskad katolik araokour, Le Sillon, ma voe Ann Hader e gelaouennig e Breizh.
- Etouez ar Boched, moullet e 16 tamm war Le Courrier du Finistère e 1919 ha 1920[2].
- Frealzidigez eur c'hlanvour yaouank, moullet war Kroaz ar Vretoned e 1920
- Barnedigez ar gear, pezh c'hoari, 1920.
- Kased an Diaoul, moullet e-barzh Feiz ha Breiz e 1921
- Diou familh dishenvel, moullet e 18 tamm war Le Courrier du Finistère e 1925
Troidigezhioù
[kemmañ | kemmañ ar vammenn]- William Shakespeare, Ar Geben doñvaet. Embannadur diglok e-barzh Gwalarn, n° 12, 1927.
- William Shakespeare, Marc'hadour Venezia. Gwalarn, n° 5, 1926.
- Pierre Corneille, Polyeucte, troidigezh e brezhoneg diembann (diank).
- Pennadoù brezhonek e-barzh ar Courrier du Finistère, Kroaz ar Vretoned, Ann Hader hag all.
Levrlennadur
[kemmañ | kemmañ ar vammenn]- Pennadig PRELIB (CRBC)
- Francis Favereau, Lennegezh ar brezhoneg er XXvet kantved, levrenn 2, Breiz Atao hag ar re all el lennegezh, 1919-1944, Montroulez, Skol Vreizh, 2003, p. p. 418-419.(ISBN 2-911447-93-X)
- Lukian Raoul, Geriadur ar skrivagnerien hag ar yezhourien vrezhonek…, Al Liamm, 1992. Pennad : Émily, Jean-Louis.(ISBN 2-7368-0034-6)
Notennoù ha daveennoù
[kemmañ | kemmañ ar vammenn]- ↑ Anvioù meneget er diaz-stlenn PRELIB.
- ↑ Adembannet dindan un talbenn all (Prizoniad er Ruhr) gant Mouladurioù Hor Yezh e 1992