Yann Iañ (dug Normandi)

Yann Iañ

den

Reizh pe jener	paotr
Bro ar geodedouriezh	Rouantelezh Saoz
Anv e yezh-vamm an den	John Lackland, Yurtsuz John, یورتسوز ژوهن
Anv-bihan	John
Titl noblañs	dug, roue Bro-Saoz, Count of Angoulême, Lord of Ireland, count of Anjou
Deiziad ganedigezh	24 Kzu 1166
Lec'h ganedigezh	Beaumont Palace
Deiziad ar marv	19 Her 1216
Lec'h ar marv	Newark Castle
Doare mervel	abeg naturel
Abeg ar marv	dysentery
Lec'h douaridigezh	Worcester Cathedral
Tad	Herri II
Mamm	Eleanora Akitania
Pried	Isabel of Gloucester, Isabella of Angoulême
Kompagnun(ez)	Adela de Warenne, Clementia, Hawise de Tracy, Agatha de Ferrers
Familh	House of Anjou
Yezhoù komzet pe skrivet	saozneg
Yezh implijet dre skrid	saozneg
Micher	monark
Karg	roue Bro-Saoz, Duged Normandi, Lord of Ireland, count of Anjou
Perc'henn war	Orford Castle, King John's Castle, Château de Rauzan
Darvoud-alc'hwez	Excommunication in the Catholic Church

Yann Dizouar, pe Yann Bro-Saoz (Histoire de l'Angleterre, gant Cassel, 1902)

Duged Normandi

911 - 1206
Tiegezh Rollon
911 - 927 Rollon 927 - 942 Gwilherm Hir e Gleze 942 - 996 Richarzh Dizaon 874 - 1026 Richarzh II 1026 - 1027 Richarzh III 1027 - 1035 Roparzh an Diaoul 1035 - 1087 Gwilherm an Alouber 1087 - 1106 Roparzh II (dug Normandi) 1106 - 1135 Herri Iañ (dug Normandi) 1135 - 1144 Steven Bleaz
Tiegezh Plantagenet
1144 - 1150 Jafrez Plantagenet 1150 - 1189 Herri II Plantagenet 1189 - 1199 Richarzh IV Kalon Leon 1199 - 1206 Yann Dizouar

Yann Dizouar (John Lackland e saozneg; Jean sans Terre e galleg) a oa roue Bro-Saoz ha dug Normandi adalek Ebrel 1199 betek e varv e 1216. N'eus bet nemet un dug Yann en istor Normandi, nag ur roue “Yann” en istor Bro-Saoz, ha Yann Dizouar an hini e oa. A-wechoù e vez graet e anv ofisiel, Yann Bro-Saoz, anezhañ. E-kerzh e ren e voe kollet Normandi gant Bro-Saoz.
Brudet eo e anv en istor Breizh pendeogwir e lazhas e niz Arzhur Iañ, dug yaouank Breizh.

E vuhez

Ganet e oa d'ar 24 a viz Kerzu 1166 ha marvet d'an 18 a viz Here 1216). Mab yaouankañ ar roue saoz Herri II hag e wreg Eleanora Akitania e oa. Breur yaouankañ ar roue Richarzh Iañ hag an dug Jafrez II e oa.
Deuet e oa an anv "Dizouar" dezhañ dre ma ne oa ket e dad evit reiñ douar dezhañ a-raok marv e vreudeur all.

Dimeziñ ha bugale

E miz Eost 1189 e timezas da Isabelle de Gloucester, merc'h pennhêrez Guillaume fitz Robert, 2^l kont Gloucester. Bugel ebet n'o doe. Goude bout anvet da roue en 1199 e reas dispenn an dimeziñ gant ar pab Inosant III dre an abeg a genwadelezh. Isabel a addimezas da Geoffrey de Mandeville, ha goude intañveziñ, da Hubert de Burgh.

Orgedet e oa ouzh Isabelle d'Angoulême, ur plac'h yaouank ugent vloaz yaouankoc'h egetañ, merc'h da Aymer Taillefer, kont Angoulême, hag a oa prometet da Hugues X de Lusignan. Addimeziñ a reas Yann e Bourdel e miz Eost 1200 da lakaat a reas kurunenniñ Isabelle d'Angoulême evel Rouanez bro-Saoz en Abati Westminster e miz Here. Pemp bugel o doe :

• Herri (1207 – 1272) a voe roue war e lerc'h, evel Herri III;
• Richarzh Kernev-veur (1209 – 1272),
  • dimezet en 1231 da Isabelle de Pembroke († 1240)
  • addimezet en 1243 da Sancie de Provence (1228 – 1261), merc'h da Raymond-Bérenger V, kont Provañs.
  • addimezet en 1269 da Béatrice de Falkenstein (1253? – 1277), hagur verc'h o doe;
• Janed Bro-Saoz (1210-1238),
  • dimezet en 1221 da Alexander II, roue Bro-Skos (1214-1249),
• Isabella Bro-Saoz (1214 – 1241),
  • dimezet en 1235 da Frederig II an impalaeriezh Santel, Impalaer santel (1194 – 1250),
• Aliénor d'Angleterre (1215 – 1275),
  • dimezet en 1224 da Guillaume de Pembroke (1190 – 1231),
  • addimezet en 1239 da Simon V de Montfort (1208 – 1265), kont Leicester.

Besterd en doe ivez :

• Janed, priñsez Kembre, dimezet da Llywelyn Fawr, priñs Kembre
• Richard Fitz Roy, (avec Adela, fille de son oncle Hamelin de Warenne), baron Chilham.
• Oliver FitzRoy, mab d'ur vaouez anvet Hawise, a ambrougas kannad ar pab Pélage da Damiette, en 1218, ha ne zistroas ket.

• Maud FitzRoy († 1252), leanez, hag abadez goude, e Barking en 1247.
• Isabel FitzRoy, pried da Richard Fitz Ives.
• Philip FitzRoy, bev bepred en 1263.

An anv FitzRoy a oa un anv normanek a dalveze kement ha mab d'ar roue, diwar Fitz.

En e raok: Richarzh Iañ

Roue Bro-Saoz 1199 – 1216

War e lerc'h: Herri III