Rouantelezh Bro-Saoz

Eus Wikipedia
Sauter à la navigation Sauter à la recherche
Rouantelezh Bro-Saoz,
evel ma oa er 17vet kantved

Rouantelezh Bro-Saoz, Kingdom of England e saozneg, zo ur rouantelezh krouet en Xvet kantved e su enez Breizh-Veur dre unaniñ ar rouantelezhioù angl-ha-saoz.

Adal 927 en em lede e Bro-Saoz a vremañ, hag adal 1284 e Kembre ivez, goude da Edouarzh Iañ aloubiñ ar vro-se. Winchester e kontelezh Hampshire e voe ar gêr-benn da gentañ, met ken uhel all e oa statud Londrez ha Gloucester ; adal deroù an XIIvet kantved e teuas Londrez da vout kêr-benn de facto.

Abaoe 1707 ne gomzer ket, en ofisiel, eus roue Bro-Saoz met eus roue ar Rouantelezh-Unanet.