Wiliam Owen Roberts

Eus Wikipedia
Aller à la navigation Aller à la recherche

Wiliam Owen Roberts (ganet e 1960 e Bangor) zo ur skrivagner kembraek.

Tremenet en deus e yaouankiz e Garndolbenmaen, e hanternoz Kembre, hag emañ bremañ o vevañ e Kerdiz gant e wreg hag o zeir merc’h. Goude studioù war al lennegezh e skol-veur Aberystwyth en deus labouret gant ar strollad c’hoariva Cyfri Tri ha goude-se gant ar chadenn skinwel HTV a-raok mont da skrivagner leun-amzer e 1989.

E levr brudetañ eo e eil romant Y Pla ("Ar vosenn"). Gantañ en doa gounezet priz Llyfr y Flwyddyn e 1988. Troet e oa bet al levr e saozneg e 1991, gant an titl Pestilence, ha troet eo bet abaoe e meur a yezh all (galleg, alamaneg, nederlandeg, hungareg, slovakeg).

Savet en deus skriptoù meur a film, evel Teulu'r Mans ("Ar familh Mans", 1987-1990), Pris y Farchnad ("Priz ar marc'had", 1991-1993), Provence (1998),Cymru Fach ("Kembre vihan",2009).

Aet e oa priz Llyfr y Flwyddyn gantañ adarre e 2009, gant ar romant Petrograd.

Oberennoù[kemmañ | kemmañ ar vammenn]

  • Bingo!, 1985 (Gwasg Dwyfor)
  • Y Pla, 1987 (Annwn)
  • Hunangofiant ("Eñvorennoù", 1973-1987): 1. Y Blynyddoedd Glas ("Arbloazioù glas", 1990 (Annwn)
  • Paradwys, 2001 (Cyhoeddiadau Barddas)
  • Cyfres i'r Golau : Peenemünde - Drama Mewn Dwy Act ("Stirad er gouloù : Peenemünde, drama e daou arvest"), 2004 (Gwasg Carreg Gwalch)
  • Cymru Fach, 2006 (Sherman Cymru)
  • Petrograd, 2008 (Cyhoeddiadau Barddas)
  • Paris, 2013 (Cyhoeddiadau Barddas)