Vita Merlini

Eus Wikipedia
Sauter à la navigation Sauter à la recherche

Vita Merlini, pe Buhez Merlin, pe Merzhin, zo ur varzhoneg latin, 1 529 linenn enni, gant ar c'hloareg kembreat Jafrez Menoe (anavezet e saozneg evel Geoffrey of Monmouth), ha skrivet war-dro 1150. Savet eo diwar mojennoù hag a veze kontet en amzer-se diwar-benn an diouganer Merlin.

Diazezet eo Vita Merlini war Merzhin ar VIvet kantved. Klask a ra Jafrez diskouez eo ar memes den Myrddin Wyllt ha "Merlin Ambrosius". E meur a lodenn e weler anezhañ, kollet e spered gantañ, o vevañ evel ul loen gouez, evel Nebuchadnezzar e Levr Daniel. Meneget zo eus meur a zen : ar roue Gwenddoleu ap Ceidio, Taliesin. Ar c'hentañ meneg eus an hudourez Morgan (Morgen) a lenner ivez.

Anv a ra an oberour eus ar roue Arzhur hag eus e varv evel en e oberennoù skrivet dek vloaz a-raok : Prophetiae Merlini a vije un dastumad eus e ziouganoù, hag an Historia Regum Britanniae, ar c'hentañ oberenn ma'z eo liammet Merlin hag Arzhur.

Lennadurezh[kemmañ | kemmañ ar vammenn]

  • Vita Merlini, testenn latin Jafrez Menoe troet gant John Jay Parry, Urbana, Illinois, 1925. A weler e Sacred-Texts.com.
  • A. O. H. Jarman, Sieffre o Fynwy (Gwasg Prifysgol Cymru, 1966), pennod XIV "Y Vita Merlini".
  • Vita Merlini, troet e saozneg gant Basil Clarke, (Cardiff: University of Wales Press, 1973). A lenner e Jones Celtic Encyclopedia
  • Merlin, Merlin, Merlin, gant Michael Skupin (Taipei: showwe.com.tw) ennañ "A Close Translation of the Vita Merlini" p. 257.

Liammoù[kemmañ | kemmañ ar vammenn]