Valentinian III
| Reizh pe jener | paotr  |
|---|---|
| Bro ar geodedouriezh | Henroma |
| Anv e yezh-vamm an den | Flavius Placidius Valentinianus |
| Titl noblañs | Impalaer |
| Cognomen | Valentinianus |
| Deiziad ganedigezh | 2 Gou 419 |
| Lec'h ganedigezh | Ravenna |
| Deiziad ar marv | 16 Meu 455 |
| Lec'h ar marv | Roma |
| Doare mervel | muntr |
| Tad | Constantius III |
| Mamm | Galla Placidia |
| Breur pe c'hoar | Justa Grata Honoria |
| Pried | Licinia Eudoxia |
| Bugel | Placidia, Eudocia |
| Familh | Tierniezh Teodosius |
| Yezhoù komzet pe skrivet | latin |
| Micher | monark, politiker |
| Karg | Western Roman emperor, senedour roman |
| Prantad | Impalaeriezh roman |
Valentinian III (419 – 455) a voe impalaer roman ar C'hornôg eus 424 da 455.
E vuhez
[kemmañ | kemmañ ar vammenn]Mab e oa da Constantius III, a voe anvet da Impalaer roman ar C'hornôg en 421, a-gevret gant Honorius (395-423) . E vamm, Galla Placidia (388-450), a oa merc'h da Theodosius Iañ (379-395), impalaer roman ar reter. Ur c'hoar en doa, Honoria.
Valentinian III
[kemmañ | kemmañ ar vammenn]Pa varvas Honorius en miz Eost 423 edo Galla Placidia hag he bugale e Constantinopolis e lez Theodosius II. Diaes e voe anvidigezh an impalaer nevez. En Kerzu 423 e voe anvet gant Sened Roma un impalaer nevez, Yann e anv. Valentinian a voe anvet da Caesar d'an 23 a viz Here 424 ; un tamm brezel a voe en Italia da gas kuit ar Yann-se, ha setu anvet Valentinian da impalaer d'an 23 a viz Here 425, hag eñ c'hwec'h vloaz.
Karget e voe e vamm, Galla Placidia, da ren evel rejantez, hag a-bouez e voe he ren, a badas betek he marv en 450.
Eured
[kemmañ | kemmañ ar vammenn]En miz Here 437 e timezas e Kergustentin d'e geniterv Licinia Eudoxia, merc'h da Theodosius II . Ne zistroas da Ravenna, kêrbenn impalaeriezh ar C'hornôg abaoe ren Honorius, nemet en nevezamzer 438, goude tremen ar goañvezh e Thessalonika. Div verc'h o doe : Eudocia ha Placidia.