Tugdual Kalvez

Tugdual Kalvez zo bet unan eus krouerien Unvaniezh ar Gelennerien Brezhoneg e 1980, ha prezidant kentañ ar gevredigezh betek 1990.

Kelenner prederouriezh ha brezhoneg e oa en Alre betek ar c'houlz da vont war e leve. Bet eo ivez prezidant Kelc'h Sevenadurel Gwened ha labouret en deus kalz gant Kendalc'h.

Skrivet en deus ivez danevelloù ha barzhonegoù e brezhoneg hag e galleg.

Ur mell geriadur ar brederouriezh galleg-brezhoneg brezhoneg-galleg gant o c'hevatal en alamaneg, saozneg, galleg hag italianeg a zo bet savet gantañ, hag embannet e 2010.

Oberennoù

• Blaz ar vuhez, Mouladurioù Hor Yezh, 1999.
• War barlenn an amzer, Al Liamm, 2007.
• Geriadur ar brederouriezh, T.I.R., 2010.

Troidigezhioù

Levrioù bugale troet e brezhoneg hag embannet gant Flammarion (dastumad Le Père Castor).

• An Tri femoc'h bihan
• Ar c'havr hag he mennoù-gavr.

Liamm diavaez

• (fr) Pajenn gouestlet da Dugdual Kalvez