Trivia monacha

Eus Wikipedia
Sauter à la navigation Sauter à la recherche
Trivia monacha
Trivia monacha 2.jpg

Status iucn3.1 LC.svg
Kudenn ebet (LC)

Rummatadur filogenetek
Riezad : Animalia
Skourrad : Mollusca
Kevrennad : Gastropoda
Urzhad : Littorinimorpha
Kerentiad : Triviidae
Genad : Trivia
Anv skiantel
Trivia monacha
(da Costa, 1778)
D'ar vevoniezh
AlphaHelixSection (yellow).svgKantarell, Iduns kokbok.jpgSymbole-Zoo.png
e tenn ar pennad-mañ.


An hoc'higed-mor Europa gant pikoù a zo blotviled bihan eus Eurazia a ya d'ober ar spesad Trivia monacha. Renket int bet e-pad pell en hevelep spesad hag ar spesad all Trivia arctica hag a vev e hevelep lec'hioù. An diforc'h gwellabl etrezo o vezañ an tri merk gell teñval a zo ouzh kein Trivia monacha ha n'en deus ket Trivia arctica.

Graet e vez eus outo e yezhoù tro war-dro "spotted cowrie" pe "false cowrie", "British trivia" (saozneg), "Europäische Kauri" (alamaneg), "gevlekt koffieboontje" (nederlandeg), "grain de café", "cochon", "pucelage", porcelaine puce" (galleg).[1]

Bevoniezh[kemmañ | kemmañ ar vammenn]

Oranjez-gell eo liv mantel, proboscis, brec'helloù ha troad al loen bev. Gell eo ar grogenn gant 3 roud gellteñval pe du.

Kavet e vint etre 0 ha 100 m donder er morioù Europa. Posupl eo kavout lod anezho kuzhet dindan reier izeloc'h evit ar mareoù izel. Kregin al loened marv a vez kavet a-wechoù war an draezhenn. War aodoù Breizh int dastumet ingal ha dibaoe pell. Kigdebrerien int hag an Ascidiacea a seblant bezañ o fredoù pennañ.

Taksonomiezh[kemmañ | kemmañ ar vammenn]

Anv ar genad Trivia a dalv "boutin" hag hini ar spesad "monacha" a dalv "e-unan", "evel ur manac'h"

Diskrivet eo bet ar spesad gant Da Costa e 1778.

Implij[kemmañ | kemmañ ar vammenn]

N'int ket boued evit Mab-den, met dibaoe pell int dastumet evel objedoù brav da vezañ implijet evit kinkladurioù. Kavet eo bet troioù-gouzoug graet ganto e bez Tevieg (korfoù div vaouez bet douaret gant objedoù etre 5000 ha 7000 bloaz a-raok Jesus-Krist e Krennoadvezh ar maen) e enezenn Tevieg war gumun Sant-Pêr-Kiberen.

Notennoù ha daveennoù[kemmañ | kemmañ ar vammenn]

  1. lec'hienn WORMS Word Register of Marines species, bet sellet outi d'an 21 a viz Mae 2014, http://www.marinespecies.org/aphia.php?p=taxdetails&id=141744, (en)