Trivia arctica
| |||
|---|---|---|---|
| |||
| Rummatadur filogenetek | |||
| Riezad : | Animalia | ||
| Skourrad : | Mollusca | ||
| Kevrennad : | Gastropoda | ||
| Urzhad : | Littorinimorpha | ||
| Kerentiad : | Triviidae | ||
| Genad : | Trivia | ||
| Anv skiantel | |||
| Trivia arctica (Pulteney, 1799) | |||
D'ar vevoniezh   e tenn ar pennad-mañ. | |||
An hoc'higed-mor Europa hep pikoù a zo blotviled bihan eus Eurazia a ya d'ober ar spesad Trivia arctica. Renket int bet e-pad pell en hevelep spesad hag ar spesad all Trivia monacha hag a vev e hevelep lec'hioù. An diforc'h gwelabl etrezo o vezañ kein ar grogenn a zo hep pikoù gell teñval evel hini Trivia monacha.
Graet e vez eus outo e yezhoù tro war-dro "unspotted european cowrie" pe "false cowrie", "British trivia" (saozneg), "Europäische Kauri" pe "gerippte Kaurischnecke" (alamaneg), "gevlekt koffieboontje" (nederlandeg), "grain de café rose", "cochon", "pucelage", porcelaine puce" (galleg)[1].
Bevoniezh
[kemmañ | kemmañ ar vammenn]Oranjez-gell eo liv mantel, proboscis, brec'helloù ha troad al loen bev. Gell-roz eo ar grogenn.
Kavet e vint etre 0 ha 100 m donder er morioù Europa. Dindan reier el lanv izel eo posupl kavout lod kuzhet. Kregin al loened marv a vez kavet a-wechoù war an draezhenn. War aodoù Breizh int dastumet ingal ha dibaoe pell.
Kigdebrerien int hag an Ascidiacea a seblant bezañ o fredoù pennañ a tebront o peuriñ anezho.
Taksonomiezh
[kemmañ | kemmañ ar vammenn]Anv ar genad Trivia a dalv "boutin" hag hini ar spesad "arctica" a dalv Arktika.
Diskrivet eo bet a spesad dindan meur a anv a zo aet da get :
Bulla diaphana Montagu, 1803
Cypraea arctica Pulteney, 1799
Cypraea bullata Montagu, 1803
Cypraea europaea var. minor Marshall, 1893
Cypraea norvegica Sars M., 1835
Cypraea umbilicalis O. G. Costa, 1830
Marginella anglica Leach, 1852
Trivia dorsolevigata Schilder, 1932
Trivia globulosa Locard & Caziot, 1900
Trivia hispania Cate, 1979
Trivia mollerati Locard, 1894
Implij
[kemmañ | kemmañ ar vammenn]N'int ket boued evit Mab-den, met dibaoe pell int dastumet evel objedoù brav da vezañ implijet evit kinkladurioù. Kavet eo bet troioù-gouzoug graet ganto e bez Tevieg (korfoù div vaouez bet douaret gant objedoù etre 5000 ha 7000 bloaz a-raok Jesus-Krist e Krennoadvezh ar maen) e enezenn Tevieg war gumun Sant-Pêr-Kiberen.
-
Bez Tevieg e Sant-Pêr-Kiberen gant an div skeledenn hag ar c'hinkladurioù en o zouez un hoc'hig-mor Monetaria annulus -
Skeledennoù gant bravigoù graet gant Trivia -
Skeledennoù gant bravigoù graet gant Trivia
.jpg)
.jpg)
Notennoù ha daveennoù
[kemmañ | kemmañ ar vammenn]- ↑ Lec'hienn WoRMS Word Register of Marine species, bet sellet outi d'ar 15 a viz Eost 2014, www.marinespecies.org/aphia.php?p=taxdetails&id=141741, (en)