Syagrius

Eus Wikipedia
Sauter à la navigation Sauter à la recherche
Lupa romana.jpeg
Ur pennad eus an heuliad
Henroma eo ar pennad-mañ
Ar Vonarkiezh
Ar Republik
An Impalaeriezh
Impalaeriezh ar C'hornôg
Impalaeriezh ar Reter


Afranius Syagrius, ganet e 430 ha marvet e 486 pe 487, a oa mab da Aegidius, ar magister militum per Gallias a oa deuet a-benn da zifenn hanternoz Galia goude freuzet Impalaeriezh roman ar C'hornôg. War un dachennad galian-ha-roman etre ar stêrioù Somme ha Liger, e rene marteze, hervez Léon Fleuriot, gant skoazell pennoù-brezelbrezhon evel Riothamus. Soissons e oa e e gêr-benn. Ne oa ket klok e c'halloud zoken er rannvro-se, war a seblant avat, rak gant ur penn-brezel brezhon e oa dalc'het Bleaz.

N'ouzer ket petra e oa e ditl. Gregor Teurgn a ra "Roue ar Romaned" (Rex Romanorum) anezhañ, met estrañjour d'ar c'hustumoù roman eo an titl-se. Ar gwirheñvelañ eo e raed anezhañ dux (pennlu) hag e oa ar pezh a anvfed hiziv un tiern a vrezel.

Ren a reas eus 464 betek 484 ha, da gentañ, un nebeut berzhioù eñ-deus a-enep ar varvared. Gant skoazell Childeric e kasas kuit ar saksoned o-doa en em staliet e traonienn al Liger. Broc'hañ a reas neuze gant ar franked ha, ma kreder Fleuriot o kas kuit eus galia an norzh war-dro 470.

E 486, avat, e voe argaset gant Hlodwig a oa bet aet da roue ar franked ar-lerc'h Childeric hag en-doa adunvianet e bobl. Faezhet e voe Syagrius e emgann Swasoñ ha Hlodwig a berc'hennas e rouantelezh. E rouantelezh ar wizigoted e repuas Syagrius met o roue Alarik II a vac'has anezhañ a-raok d'e zaskor d'ar franked.

E 487 e voe dic'houzouget e kuzh gant Hlodwig hervez Gregor.