Seizh sant diazezer Breizh

Seizh sant diazezer Breizh a reer eus seizh sant kristen hag o doa bevet war dro ar V^vet kantved, dre ma'z eo ganto e voe savet seizh eskopti kentañ Breizh.
E-kerzh ren Nevenoe e voe ouzhpennet Eskopti Roazhon ha hini Naoned, a-raok sevel penneskopti Dol d'ober un arc'heskopti eus Breizh.

Pep a gêr eskobel a vije bet savet gant ar seizh sant :

• 
  Sant Brieg, e Sant-Brieg, eskopti Sant-Brieg
• 
  Sant Kaourintin, e Kemper, eskopti Kerne
• 
  Sant Maloù, e Sant-Maloù, eskopti Sant-Maloù
• 
  Sant Padern, e Gwened, eskopti Gwened
• 
  Sant Paol Aorelian, e Kastell-Paol, eskopti Leon
• 
  Sant Samzun, e Dol, eskopti Dol
• 
  Sant Tudwal, e Landreger, eskopti Treger

Azeul a-stroll

Bez' ez eus en Ardeven (Bro-Wened) ur chapel hag a zo gouestlet d'ar seizh sant. War-dro ar bloaz 1980 e voe adsavet, hag abaoe e vez pardon bep bloaz.

Bez' ez eus ivez e Bulad-Pestivien ur feunteun dediet d'ar seizh sant, savet e 1683.

A-hed an amzer ez eo bet liammet ar seizh sant gant meur a vurzhud. Evit o enoriñ o deus savet ar Vretoned ur birc'hirinded anvet Tro Breizh.

• 
  Feunteun Bulad-Pestivien
• 
  Seizh sant Tro Breizh e Kastell-Paol

Pennadoù kar

• Sent Breizh
• Traoñienn ar Sent
• Seizh Sant