Sakae Oba
| Sakae Oba | |
|---|---|
 | |
| Kabiten (Rikugun Taii) Sakae Oba e 1937 | |
| Anv badez | 大場 栄 |
| Lesanvioù | Kabiten Oba (Rikugun Taii Oba)
Louarn Saipan (The fox of Saipan) |
| Deiziad ganedigezh | 21 a viz Meurzh 1914 |
| Aet da anaon | 8 a viz Even 1992 (78 bloaz) |
| Lec'h ganedigezh | Gamagori, Aichi Japan |
| Bro | .svg){kind=small} Impalaeriezh Japan |
| Skourr |  Lu Impalaeriezh Japan |
| Micherioù | Kelenner
Soudard |
| Renk | Kabiten (Rikugun Taii) |
| Unvezh | 18vet rejimant douarlu Impalaeriezh Japan |
| Emgannioù pennañ | Emgann Shanghai (Eost 1937- Du 1937) |
| Enorioù |  |
| Urzh ar Skoul Aour | |
kemmañ  | |
Sakae Ōba[1] (japaneg : 大場 栄 Ōba Sakae), ganet d'an 21 a viz Meurzh 1914 hag aet da anaon d'an 8 a viz Even 1992, a oa un ofisour eus Lu Impalaeriezh Japan, engouestlet en Eil Brezel-bed war tachennoù emgann Sina ha re Brezel ar Meurvor Habask.
E 1934 e oa bet galvet Sakae Oba d'ober e servij soudard. Kuitaat a reas e dud da vont d'an 18vet rejimant eus douarlu Japan. Gant an unvez-se e voe kaset da gemer perzh en aloubadeg Sina gant Lu Impalaeriezh Japan ha, dreist-holl, Emgann Shanghai. En em gavout a rae eno e Miz Eost 1937.
E 1944 e voe tennet an 18vet rejimant eus douarlu Japan eus Manchouria d'e gas da dachennoù-emgann Brezel ar Meurvor Habask. En em gavout a reas Sakae Oba o stourm e emgann Saipan e miz Even.
Goude emgann Saipan
[kemmañ | kemmañ ar vammenn]Tec'hout
[kemmañ | kemmañ ar vammenn]Ur wech echuet emgann Saipan dre un argadenn banzai ramzel (5000 soudard) e chomas bev ar c'habiten Sakae Oba. Ne felle ket dezhañ treitouriñ an douadenn en doa graet pa oa rollet en arme, a dalveze bezañ leal betek penn d'an impalaer. Choaz a reas neuze da guzhat ha da genderc'hel gant ar stourm. Kavout a reas un hent gyokusai dezhañ e-unan : kenderc'hel gant ar stourm betek penn e plas an emlazh enorus.
Kavout a reas 46 soudard japanat all a-benn kenderc'hel gant ar stourm, ouzhpenn da-se e kavas 160/ 200 trevour o tec'hout gant ar spont rak Stadunaniz[2]. Ar re-se o devoa choazet da glask krakvevañ e-serr emlazhañ, evel darn annezidi an enezenn (tro 22.000).
Kuzhat
[kemmañ | kemmañ ar vammenn]Ar strollad stourm hag ar repuidi a dec'has etrezek ar janglenn. Penn ar gwarnizon stadunanat, aet da skuizh, a lakaas 3.000 soudard Marines da vale skoaz-ha-skoaz dre an enezenn a-benn tapout al Louarn Saipan, lesanv Skae Oba bet roet dezhañ gant Stadunaniz, hag e dud. Un taol-kleze en dour e voe.
Kenderc'hel gant ar stourm
[kemmañ | kemmañ ar vammenn]Dispriziet, spouronet met doujet, setu penaos ez eo diskrivet Louarn Saipan gant ar soudarded kozh bet enebourien dezhañ.
Ne chome ket nemetken da c'hortoz er janglenn, met kenderc'hel a rae ar stourm en ur laerezh dafar (boued, louzeier hag armoù) da Stadunaniz, hag en ur dagañ anezho. Dont a reas a-benn da zistrujañ ur c'harr-nij B-29 war an aerborzh brezel stadunanat bet staliet goude emgann Saipan[3].
Tagañ a rae pa c'helle Stadunaniz, a veze o klask war e-lerc'h er janglenn, betek o lakaat da dreiñ da sot[4].
Daskor
[kemmañ | kemmañ ar vammenn]Daskor Louarn Saipan hag e strollad stourm a voe d'ar 1añ a viz Kerzu 1945, 18 miz goude fin emgann Saipan[5], 3 miz goude daskoridigezh Impalaeriezh Japan[6].
Goude an Eil brezel-bed
[kemmañ | kemmañ ar vammenn]
Ur wech dieubet gant Stadunaniz e tistroas Sakae Oba da c'hGamagori da adkavout e wreg Mineko Oba.
Dont a reas a-benn da gejañ gant Impalaer Japan, ar pezh a chomo marteze an darvoud pouezusañ en e vuhez hervezañ.
Enoret e oa bet gant medalenn urzh ar Skoul Aour evit e obererezh e-pad ar brezel. Chomet eo tavidik war an Eil Brezel-bed, ha darn an dud, betek e wreg, ne anavezent ket an darvoudoù betek ma teuje Don Jones da atersiñ Sakae Oba er bloavezhioù 1960 evit skrivañ e levr[3].
Dre sikour e gamarad Don Jones e teuas a-benn da adpakañ e sabrenn bet roet d'an ofiser stadunanat e-pad e godianidigezh. Ar sabrenn a zo chomet abaoe e familh Oba.
Levrlennadur
[kemmañ | kemmañ ar vammenn]- Oba, the Last Samurai: Saipan 1944-45, gant Don Jones, embannadur Presidio Press, 1986 ISBN 9780891412458 (en)
- タッポーチョ―「敵ながら天晴」大場隊の勇戦512日 [Tapochau, or In Praise of My Enemy: The Oba Unit and 512 Days' of Gallant Struggle] (Japeng). Sadamu Nakamura. gant Don Jones, embannadur Tokyo: Shodensha Publishing Co, 1982 ASIN B000J7FUHW (ja) (en)
- Japan’s renegade hero gives Saipan new hope, gant Rob Gilhooly, pennad kazetenn embannet e Japantimes, 15 a viz Mae 2011. (en)
- No Surrender!: Seven Japanese WWII Soldiers Who Refused to Surrender After the War, gant William Webb, embannadur CreateSpace Independent Publishing Platform (108 pajenn), 14 a viz Gouere 2014, ISBN 1500527017 (en)
- Senka no rabu retah (Lizhiri karantez eus tanioù ar brezel), lizhiri choazet, gant Sato Yoshihisa, embannadur Toyohashi Tokai-nichi Nichi-shinbun Publishers, 23 a viz Eost 2010 (ja) (en)
Filmadurezh
[kemmañ | kemmañ ar vammenn]Filmoù
[kemmañ | kemmañ ar vammenn]- Oba : The Last Samurai (Taiheiyou no kiseki: Fokkusu to yobareta otoko), gant Hideyuki Hirayama, 2011 (ja) (en)
Liammoù diavaez
[kemmañ | kemmañ ar vammenn]Pennadoù kar
[kemmañ | kemmañ ar vammenn]Notennoù ha daveennoù
[kemmañ | kemmañ ar vammenn]- ↑ Ōba Sakae eo ar stumm japanek , Ōba o vezañ an anv-tiegezh, met dalc'het e vez da stumm kornôgel urzhiadur an anvioù tud amañ.
- ↑ http://www.japantimes.co.jp/life/2011/05/15/general/japans-renegade-hero-gives-saipan-new-hope/
- 1 2 https://web.archive.org/web/20151017011632/http://articles.chicagotribune.com/1986-09-15/features/8603080984_1_saipan-japanese-mythic-proportions
- ↑ https://web.archive.org/web/20151207053953/http://articles.sun-sentinel.com/1986-08-02/news/8602150263_1_japanese-man-jones-orlando-hyatt-hotel
- ↑ "No Surrender!: Seven Japanese WWII Soldiers Who Refused to Surrender After the War, gant William Webb"
- ↑ http://www.nps.gov/archive/amme/wwii_museum/end_of_battle/captain_obas_company.html
| Impalaeriezh Japan – An holl rummadoù ha pajennoù a-zivout Impalaeriezh Japan |