Remington 870
| Remington Model 870 | |
|---|---|
 Ur fuzuilh-pomp Remington Model 870 dezhi ur c'hanol 20 meutad | |
| Kinnig | |
| Bro |  Stadoù-Unanet Amerika
|
| Doare | Fuzuilh |
| Mont en-dro | Tennata dre bomp |
| Munisionoù | Kalibr 12 Kalibr 16 Kalibr 20 Kalibr 28 .410 |
| Produer | Remington |
| Bloavezh krouidigezh | 1950 |
| Mare produiñ | Abaoe 1951 |
| Niver produet | Ouzhpenn 13 milion |
| Pouez ha muzulioù | |
| Mas (hep kartouchenn) | Etre 3,2 ha 3,60 kg |
| Hirder | Etre 670 ha 1280 mm |
| Hirder ar c'hanol | Etre 360 ha 760 mm |
| Perzhioù all | |
| Endalc'h | Karger korzennek 3, 4, 5, 6 pe 7 kartouchenn (mui unan er gambr) Karger fiñv 6 kartouchenn |
| Lezenn | |
| Rummad e Bro-C'hall | B pe C (hervez neuz diabarzh ar c'hanol hag an hirder hollek) |
Ar Remington 870 zo un heuliad fuzuilhoù-pomp produet gant an embregerezh stadunanat Remington. Meur a stumm anezhe a gaver, hag ouzhpenn 13 milion a skouerennoù zo bet produet abaoe 1950 hervez an embregerezh[1]. Krouet e oa bet evit kemer plas ar Remington Model 31 war katalog ar merk, hag evit ober kevezerezh d'ar Winchester Model 1912, a oa neuze e barr he brud[2]. Ur c'harger korzennek he deus, hag a c'hall degemer betek 7 kartouchenn e meur a galibr, eus ar .410 d'an 12. Ur ganol flour pe rizennet a c'hall bezañ ganti, dezhañ meur a hirder hervez ezhommoù an dennerien.
E kreiz ar bloavezhioù 1960 e voe choazet evel unan eus armoù standart an USMC stadunanat[3]. Implijet e vez er bed a-bezh gant soudarded, poliserien koulz hag e bed ar chase. Brudet eo an arm evit bezañ fiziapl ne vern an amzer[4].
Daveennoù
[kemmañ | kemmañ ar vammenn]- ↑ (en) 13,000,000. built exactly like no other shotgun ever, war lec'hienn Remington (lennet d'ar 05/01/2025)
- ↑ (en) PIKE Travis, Remington 870 Review: The King of American Shotguns?, Pew Pew Tactical, 09/08/2022 (lennet d'ar 05/01/2025)
- ↑ (fr) McNAB Chris, Armes à feu Encyclopédie visuelle, L'Imprévu, 2022, pp. 278-279
- ↑ '(fr)' ROB Houston, STROYAN Christine (renerezh), Armes à feu de légende, Larousse, 2019, p. 285
