Partit Socialista d'Alliberament Nacional
| Rann eus | Bloc d'Esquerra d'Alliberament Nacional, Moviment de Defensa de la Terra, Catalunya Lliure, Catalan Solidarity for Independence  |
|---|---|
| Deiziad krouiñ | Meurzh 1969 |
| House publication | Lluita |
| Stad | Spagn |
| Political alignment | Tu-kleiz |
| Ideologiezh politikel | Catalan pro-independence movement, sokialouriezh, Marksouriezh, Pan-Catalanism |
| Youth wing | Joventuts Revolucionàries Catalanes, Joventuts Socialistes d'Alliberament Nacional dels Països Catalans |
| Sez sokial | València |
| Deiziad divodañ | 20 Her 2015 |
| Lec'hienn ofisiel | http://www.psan.cat |
| Separated from | Front Nacional de Catalunya |
El Partit Socialista d'Alliberament Nacional (PSAN) ("Strollad Sokialour evit an Dieubidigezh Vroadel") a oa ur strollad disrannour katalan awenet gant tezennoù ar gomunouriezh.
Krouet e oa bet e 1968 diwar ur strolladig tud em em disrannet diouzh tu-kleiz Talbenn Broadel Katalonia Front Nacional de Catalunya evit sevel ur strollad disrannour dispac'hel hervez tezennoù ar varksouriezh-leninouriezh.
Er penn-kentañ e oa bet staliet e Kumuniezh Emren Katalonia da nemetken gentañ, met da c'houde en em stalias ivez e Katalonia an Norzh (miz Gwengolo 1971), e Valencia (miz Mezheven 1974) hag en Inizi Balear (miz C'hwevrer 1976).
E miz Meurzh 1973 ec'h eas kuit tud eus ar rann pellañ ha krouet gante PSAN-provisional e 1974.
E 1976 e tisklêrias ez-ofisiel e oa deuet da vezañ ur strollad komunour, aozet hervez al leninouriezh rik.
E 1977 ec'h eas kuit ar rann vroadelour-marskour kerreizh.
Da geñver mouezhiadegoù ar Stad e 1979 e oa bet savet ul listenn unvan a-gevret gant ur re dud distrollad ha gant Bloc Català de Treballadors (BCT, "Bloc'had labouerion Katalonia"), e framm el Bloc d'Esquerra d'Alliberament Nacional (BEAN, "Bloc'had an Tu-Kleiz evit an Dishualded Broadel").
Kuitaat a reas kengevredad BEAN e 1980 hag en em disrannas a reas ar strollad adarre o vont kuit meur a hini eus an izili disrannet-se da grouiñ Nacionalistes d'Esquerra ("Broadelourion an Tu-kleiz") ha Entesa Nacionalista ("Kenemglev Broadelour") ha da c'houde oc'h en em ezelañ ouzh Esquerra Republicana de Catalunya ("Tu-kleiz Republikan Katalonia").
E 1983 e teuas ar PSAN da vezañ e penn eus ar Moviment de Defensa de la Terra (MDT, "Luskad evit Difenn an Tir") krouet e 1984 p'en em unanas gant Independentistes dels Països Catalans (IPC, "Disrannourion ar Broioù Katalanek), savet d'o zro diwar ar PSAN-Provisional.
E miz Kerzu 1987 en em unanas Yaouankizoù ar PSAN gant Joves del Front Patriòtic Català ("Yaouankizoù Talbenn Brogarour Katalonia") ha diwar an emglev-se e oa bet krouet ar Maulets e 1988.
E miz Ebrel 1989 Terra Lliure ("Tir Dieub") a ginnigas ul listenn unvan da geñver mouezhiadegoù Europa anvet Catalunya Lliure ("Katalonia Dieub") ha sevel a reas a-du gant al listenn-se ar PSAN, ar MDT hag ar Maulets.
En em divodañ a reas ar Moviment de Defensa de la Terra e miz Eost 1989 evit reiñ plas da g-Catalunya Lliure. Kenderc'hel a reas ar PSAN da ren war an aozadur-se betek diwezh 1996.
Embann a rae ar gelaouenn Lluita ("Stourm").
E 2015, hag adarre e 2016, en doa embannet ar PSAN e lakae fin d'e obererezh evel strollad politikel<ref«El PSAN anuncia l’aturada de les activitats públiques» Vilaweb.cat, 20-10-2015</ref>,[1]
Notennoù
[kemmañ | kemmañ ar vammenn]- ↑ «El PSAN a les Illes» Vilaweb.cat, 05-01-2017