Novi Sad

Eus Wikipedia
Mont da : merdeiñ, klask
Novi Sad, war lez an Danav

Novi Sad (skrivet Нови Сад el lizherenneg kirillek, Újvidék en hungareg, Nový Sad e slovakeg]]) zo ur gêr vras eus Serbia, an eil kêr vrasañ er vro ha kêr-benn proviñs Vojvodina. Emañ war lez an Danav.

Hervez niveradeg 2011 e oa 250 439 a dud o chom er gêr hec'h-unan, tra ma oa 277 522 a annezidi en tolpad-kêrioù, gant Petrovaradin ha Sremska Kamenica, ha 341 625 e tolead Novi Sad a-bezh.

Krouet e voe Novi Sad e 1694, pa voe savet un drevadenn en tu all d'an Danav gant marc'hadourien serb deuet eus kreñvlec'h Petrovaradin, war lez dehoù ar stêr. En XVIIIvet hag en XIXvet kantved e teuas da vezañ ur greizenn genwerzh a bouez, hag ur greizenn sevenadurel serb ivez, ken ma veze graet "Aten Serbia" anezhi.[1] Kalz a zistruj a voe e kêr e-pad Dispac'h 1848, met adsavet e voe ar savadurioù dismantret/ Bremañ ez eo Novi Sad ur gêr a bouez, war dachenn ar greanterezh, an armerzh hag ar sevenadur, ken evit Serbia ken evit Vojvodina.

Kêrioù gevellet[kemmañ | kemmañ ar vammenn]

Gevellet eo Novi Sad gant ar c'hêrioù-mañ :

Notennoù[kemmañ | kemmañ ar vammenn]