Neant

Ur pennad Néant zo ivez.

Neant
An ti-kêr.
Anv gallaouek	Néant
Anv gallek (ofisiel)	Néant-sur-Yvel
Bro istorel	Bro-Sant-Maloù
Melestradurezh
Departamant	Mor-Bihan
Arondisamant	Gwened
Kanton	Ploermael
Kod kumun	56145
Kod post	56430
Maer Amzer gefridi	Philippe Louapre 2014-2026
Etrekumuniezh	Ploermael Kumuniezh
Bro velestradurel	Bro Ploermael - Kalon Breizh
Lec'hienn Web	(fr)www.cc-mauron-broceliande.com
Poblañsouriezh
Poblañs	1 070 ann. (2022)
Stankter	33 ann./km²
Douaroniezh
Daveennoù lec'hiañ	48° 00′ 51″ Norzh 2° 19′ 40″ Kornôg
Uhelderioù	kreiz-kêr : 65 m bihanañ 37 m — brasañ 150 m
Gorread	32,3 km²
Neant

Neant a zo ur gumun eus Breizh (stumm ofisiel e galleg: Néant-sur-Yvel) e departamant ar Mor-Bihan e Kanton Ploermael.

Dezougen

• 
  An ti-gar, serret.

• War al linenn hent-houarn Ploermael Lanvroeneg edo Neant.

Anv

• Erwan Vallerie ː Neant, 1330; Neant, 1420

Ardamezioù

En argant e roc'hell en sabel leinet gant ur groaz latin en argant, ha skoret gant div zelienn derv c'heotet, kommek ha lammellet; e gab rannet, ouzh 1 en gul e seizh vailhenn en aour, 3, 3, 1, e zrailhenn en argant a bevar pezh, ouzh 2 en glazur e ziv pennlizherenn M ha V an eil en eben, leinet gant ur c'hleze ouzh beg, an holl en aour".

Ger-ardamez ː « Caritas super eminat ».

Aozerien ː J.C. Renaud ha Y. Garaud.

Istor

XVI^vet kantved

• Er bloaz 1513, ar roue Loeiz XII a savas douar hag aotrouniezh Bois-de-la-Roche, da veskontelezh.

Dispac'h Gall

• Melestradurezh: krouet e voe ar gumun e 1790. Gant al lezenn eus an 23 a viz Eost 1790 e voe Neant da bennlec'h kanton Neant gant teir c'humun ennañ: Konkored, Neant ha Trec'horanteg; e Bann Ploermael edo. Gant lezenn an 8 pluviôse an IX (28 a viz Genver 1801), dezhi an titl loi portant réduction du nombre de justices de paix, e voe diskaret ar c'hanton ha lakaet ar gumun e kanton Maoron bet miret ha brasaet gant an hevelep lezenn. Lakaet e oa bet Neant en Arondisamant Ploermael bet krouet e 1800.
• D'ar 15 a viz Mae 1793 e voe dismantret kastell Koad ar Roc'h, war urzh kuzul pastell-vro republikan Ploermael.
• Nepell goude, ur gompagnunezh roueelerien, kaset gant ar vreudeur de Saint-Pern-Couellan, e dapas krog gant ul lostad republikan e Bois-de-la-Roche. Ar republikaned e bountas tann e-barzh ar pezh e chome diouzh ar c'hastell.

XIX^vet kantved

Brezel Gall-Prusian eus 1870

• Mervel a reas dek gwaz eus ar gumun.

XX^vet kantved

Brezel-bed kentañ

• Mervel a reas 65 gwaz eus ar gumun abalamour d'ar brezel, da lavaret eo 4,21 % eus he foblañs e 1911.

Eil brezel-bed

• Mervel a reas daou zen ag ar gumun abalamour d'ar brezel.
• D'an 16 a viz Mae 1945 e voe kavet korf marv un den eus ar gumun, ezel eus ar Rezistañs, bet boureviet, lazhet ha mañsonet d'an 13 a viz Gouere 1944 gant al lu alaman e kreñvlec'h Pentevr.

Monumantoù ha traoù heverk

• 
  Dismantroù an alez-toet.

• Alez-toet Jardin aux Moines.

• 
  Ar c'hastell.

• Kastell "Koad ar Roc'h".

• 
  An iliz katolik.
• 
  Kroaz an iliz.

• Iliz katolik Sant Pêr.
• Kroaz ar vered e-tal an iliz.
• Monumant ar re varv.

Emdroadur ar boblañs abaoe 1962

Niver a annezidi

Tud

• Philippe de M̥ontauban, aotrou Bois-de-la-Roche, gouarnour Roazhon ha kañseller Breizh dindan an Dug Fañch II. Gouarnour ha mirour Kañsellerezh Breizh dindan ar Roue Charlez VIII. Tapet klañv, e savas e destamant e Roazhon ar 27 Mezheven 1514, hag e varvas ar Iñ Gouere war lerc'h. Beziet eo bet er chapel Itron-Varia, e Ploermael.
• Philippe de Volvire, mab René de Volvire ha Catherine de Montauban, itron Bois-de-la-Roche, marc'heg urzhioù ar Roue, denjentil boutin kambr ar Roue, kabiten, er bloaz 1567, kant goaf ar Roue. En ur skrid roet e Saint-Germain-en-Laye, ar Roue Charles IX a gomz dioutañ evel "e c'henderv". Kaset eo, d'an 12 a viz Kerzu 1570, evel kannadour, e-kichen priñsed Alaman, e-lerc'h kont Raez, kouezhet klañv. Pal e oa komz dimeziñ François de France, dug Alençon, breur ar Roue, gant an eil merc'h Aogust, dug a Vavaria. Goude se, Philippe de Volvire e oa savet da letanant jeneral Breizh, letanant jeneral ha gouarnour bro-Angoulème. Pa grouas aer roue Herri II er bloaz 1582, Urzh ar Spered Santel, ennañ kant marc'heg, e savas Philippe de Volvire kommandant an Urzh. An 23 Gouere 1583, Herri II e savas Philippe de Volvire letanant jeneral Bro-Saintonge, ha gouarnour la Rochelle ha Bro-Aunis. Marvet eo Philippe de Volvire e deroù bloaz 1585.

Ardamezeg familhoù

	d'Andigné, Aotrounez Kermagaro ha la Roche	"en argant e zri ererig en gul pigoset hag iziliet en glazur"
	Baron, Aotrounez Taya	En argant e zaou leon en gul penn ouzh penn, o skorañ ur vrizhenn erminig en sabel
	Bernard Aotrounez Kermagaro	En aour e zri fenn Morian en sabel, talwedek en argant
	de Montauban Aotrounez Bois-de-la-Roche	En gul e seizh vailhenn en aour, e zrailhenn en argant e beder bastell
	de Volvire Aotrounez Bois-de-la-Roche	Goudreustellet a zek fezh etre aour ha gul

Liammoù diavaez

• (br) Neant war lec'hienn Geobreizh

Levrlennadur

• (fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• (br)Erwan Vallerie ː Diazezoù studi historel an anvioù-parrez. Corpus. An Here. 1005