Mário Jorge Lobo Zagallo

Mário Jorge Lobo Zagallo (pell anavezetoc'h evel Mário Zagallo), bet ganet d'an 9 a viz Eost 1931 e Maceió (Alagoas, Brazil), a zo bet ur melldroader etrebroadel brazilian, aet da c'hourdoner da-heul e amzer c'hoarier.

Kib vell-droad ar bed (evel c'hoarier)

Araoger kreiz pe askeller kleiz e bost dezhañ war an dachenn, kemeret en devoa perzh e daou zalc'h :

Kib vell-droad ar bed 1958 bet aozet e Sveden ma oa aet ar maout gant skipailh broadel Brazil evit ar wech kentañ. Perzh e oa eus ar skipailh – Gilmar - Djalma Santos, Bellini, Nílton Santos, Zito - Orlando Peçanha, Garrincha - Didi, Vavá, Pelé, Zagallo – a c'hounezas (5-2) ar gourfenn ouzh hini Sveden e Råsunda fotbollsstadion (Solna) d'an 29 a viz Mezheven 1958,
Kib vell-droad ar bed 1962 bet aozet e Chile ma oa aet ar maout gant Brazil evit an eil gwech. Perzh e oa eus ar skipailh – Gilmar - Djalma Santos, Mauro, Zózimo, Nílton Santos - Zito, Didi - Garrincha, Vavá, Amarildo, Zagallo – a c'hounezas (3-1) ar gourfenn ouzh hini Tchekoslovakia en Estadio Nacional de Chile (Santiago de Chile) d'ar 17 a viz Mezheven 1962.

Kib vell-droad ar bed (evel gourdoner)

E 1970 e voe anvet da zibaber Brazil oc'h erlec'hiañ João Saldanha en devoa roet e zilez. Kemeret en devoa perzh e pemp dalc'h :

Kib vell-droad ar bed 1970 bet aozet e Mec'hiko ma oa aet ar maout gant Brazil evit an teirvet gwech,
Kib vell-droad ar bed 1974 bet aozet en Alamagn ar C'hornôg : renket e voe Brazil da drede,
Kib vell-droad ar bed 1994 bet aozet e Stadoù-Unanet Amerika ma oa aet ar maout gant Brazil evit ar pedervet gwech, hag eñ eiler da zibaber ar mare, Carlos Alberto Parreira,
Kib vell-droad ar bed 1998 bet aozet e Bro-C'hall : renket e voe Brazil da eil,
Kib vell-droad ar bed 2006 bet aozet en Alamagn : skubet er-maez e voe Brazil gant skipailh Bro-C'hall, da-geñver ar c'hardgourfennoù.

Chom a ra Mário Zagallo, a-gevret gant an Alaman Franz Beckenbauer, evel an den nemetañ aet Kib vell-droad ar bed gantañ evel melldroader ha gourdoner.