Marzen

Marzhan
An ti-kêr.
Anv gallaouek	Marzan
Anv gallek (ofisiel)	Marzan
Bro istorel	Bro-Gwened
Melestradurezh
Departamant	Mor-Bihan
Arondisamant	Gwened
Kanton	ar Roc'h-Bernez(betek 2015) Muzilheg (abaoe 2015)
Kod kumun	56126
Kod post	56130
Maer Amzer gefridi	Denis Le Ralle 2014-2026
Etrekumuniezh	Kumuniezh kumunioù Gwareg Su Breizh
Bro velestradurel	[Bro Gwened]]
Lec'hienn Web	http://www.marzan.fr/
Poblañsouriezh
Poblañs	2 684 ann. (2023)
Stankter	79 ann./km²
Douaroniezh
Daveennoù lec'hiañ	47° 32′ 30″ Norzh 2° 19′ 21″ Kornôg
Uhelderioù	kreiz-kêr : 50 m bihanañ 0 m — brasañ 83 m
Gorread	33,84 km²
Marzhan

Marzhan, pe Marzen, a zo ur gumun e Breizh e Bro-Wened, e kanton Muzilheg e departamant ar Mor-Bihan.

Douaroniezh

• 
  Ar pont dreist d'ar Gwilen etre Marzhan hag Ar Roc'h-Bernez.
• 
  Ar pont dreist d'ar Gwilen etre Marzhan ha Nivilieg.

• War lez ar ster Gwilen emañ Marzhan.

Ardamezioù

« Palefarzet : ouzh I ha 4, en glazur e bont a deir bolzenn en argant, masonet en sabel; ouzh 2 ha 3, ivez en glazur, e leon kudennek en argant » pontoù evit familh Pontbriand; leoned evit familh du Breil.

Anv

• Albert Dauzat & Charles Rostaing (1963-1978) : "Marsin, 895; Marsen, 1387 : marteze diwar anv den latin Marcius ha lostger -inum".
• Erwan Vallerie (1995) : "Marsin, 895, XIè; Marsen, 1257; Marzen, 1267, 1270; Marsen, 1307, 1387; Marzen, 1453; Marsan, 1516; Mouzin, 1630; Mauzin, 1654; Marzen, 1731"

Istor

Marzan e oa ur barrez eus eskopti Naoned.

Dispac'h Gall

• Melestradurezh: krouet e voe kumun Marzhan e 1790. Gant al lezenn eus an 23 a viz Eost 1790 e voe lakaet Marzhan e kanton Pleaol; e distrig ar Roc'h-Bernez e oa. Diskaret e voe kanton Pleaol e 1801 gant lezenn an 8 pluviôse an IX (28 a viz Genver 1801), dezhi an titl loi portant réduction du nombre de justices de paix, ha lakaet Marzhan e Kanton ar Roc'h-Bernez. Lakaet e oa bet Marzhan en arondisamant Gwened bet krouet e 1800.

XX^vet kantved

Brezel-bed kentañ

• Mervel a reas 105 gwaz eus ar gumun abalamour d'ar brezel, da lavaret eo 5,77 % eus he foblañs e 1911.

Eil brezel-bed

• 
  Plakenn ar re varv, milourion ha tud nann-soudard, eus Talbenn ar Gwilen.

• E talbenn ar Gwilen e oa Marzhan adalek miz Eost 1944 betek miz Mae 1945.
• Mervel a reas naontek den ag ar gumun abalamour d'ar brezel, c'hwec'h anezhe a voe fuzuilhet gant an Alamaned e miz Eost 1944.

Brezelioù didrevadenniñ

Brezel Aljeria

• Mervel a reas ur soudard eus ar gumun e Tiaret d’ar 7 a viz Even 1961.

Brezhoneg

• 70,3 % eus anvioù-lecʼh ar gumun a zo brezhonek.

Monumantoù ha traoù heverk

• 
  An iliz katolik.

• Iliz katolik Sant Pêr.
• Monumant ar re varv er vered, luc'hskeudenn. Dioueliet e voe d'ar 16 a viz Eost 1925.
• Monumant ar re fuzuilhet d'ar 6 a viz Eost 1944, luc'hskeudenn.
• Monumant ar re fuzuilhet d'ar 7 a viz Eost 1944, luc'hskeudenn.
• Plakenn Talbenn ar Gwilen.

Poblañs

Emdroadur ar boblañs abaoe 1962

Niver a annezidi

Tud

Tud bet marvet eno

• Arzhur II, dug Vreizh d'ar 27 a viz Eost 1312.
• Yann Iañ a Vreizh, dug Breizh, d'an 8 a viz Here 1286.

Ardamezeg ar familhoù

Audic meneget eus 1426 da 1536 e Marzhan, Paolieg, Sant-Visant-an-Oud

"en aour, e dreustell gorreek en ginerminoù, heuliet ouzh kab gant div steredenn en glazur hag ouzh beg gant tri bazh peuliek eilhonek ha divouedet en geot".

Liammoù diavaez

• (br) Marzhan war lec'hienn Geobreizh