Marv Pontkalleg

Eus Wikipedia
Sauter à la navigation Sauter à la recherche

Marv Pontkalleg a zo ur werz hengounel hag a gont penaos e oa bet harzet markiz Pontkalleg ha kondaonet d’ar marv goude-se. Ar markiz, Chrysogone-Clément de Guer diouzh e anv gwir, a voe dibennet e Naoned e 1720.

Dastumet ez eus bet ur stumm eus Kernev, embannet er Barzhaz Breizh, gant Kervarker[1], hag ur stumm a Vro-Wened, embannet e Chants et airs traditionnels du pays vannetais (fin XIXe), gant Augustin Guillevic[2].

Sonerezh[kemmañ | kemmañ ar vammenn]

Sonet ha kanet eo bet ar werz gant kalzik a sonerien hag a ganerien.

  • Éliane Pronost he deus kanet anezhi war ur bladenn embannet gant Mouez Breiz.
  • Alan Stivell en deus sonet anezhi gant an delenn geltiek war e bladenn Telenn geltiek embannet gant Mouez Breiz, ha war e bladenn Renaissance de la harpe celtique goude-se.
  • Ar strollad Tri Yann en deus kanet anezhi war ar bladenn Dix ans, dix filles e 1973.
  • Gweltaz ar Fur en deus kanet anezhi er bloavezhioù 1970.
  • Andrea ar Gouilh he deus kanet anezhi war ar bladenn Gwerzioù ha sonioù ar bobl.
  • Ar strollad Barzaz en deus enrollet war e bladenn An den kozh dall e 1992 stumm an itron Juget (a orin eus Kermascléden, nepell diouzh kastell Pontkalleg) bet enrollet gant Claudine Mazéas.
  • Gilles Servat en deus kanet anezhi e 1994 war e bladenn A-raok mont kuit.
  • Ar gitarour djaz Jacques Pellen hag e gCeltic procession (Kristen Noguès, Gildas Boclé…) o deus enrollet anezhi war al leurenn er fest-bras Les Tombées de la nuit e Roazhon e 1999.
  • Ar strollad Glaz a gan ar pozioù war un ton pop keltiek e 1996 war ar bladenn Holen ar Bed.
  • Ar strollad Daonet eus Naoned en deus kanet anezhi gant e startijenn rok. Dalc'het en deus ar strollad 4 foz hag en deus ouzhpennet 2 e dibenn ar ganaouenn evit gwrizienniñ an istor en amzer-vremañ.

Fiñvskeudennerezh[kemmañ | kemmañ ar vammenn]

War ar werz eo diazezet ar film Que la fête commence savet gant Bertrand Tavernier e 1975 ; Jean-Pierre Marielle a c'hoarias roll ar markiz ennañ. [3].

Notennoù[kemmañ | kemmañ ar vammenn]

  1. Théodore Hersart de la Villemarqué, Barzaz-Breiz – Chants populaires de la Bretagne, Paris, Librairie académique Perrin, 1867.
  2. Augustin Guillevic, Jean-Mathurin Cadic, Chants et airs traditionnels du pays vannetais (fin XIXe), Dastum Bro-Ereg hag Archives départementales du Morbihan.
  3. (en) Internet Movie Database