Manon Deniau
Ur gelaouennerez vrezhonek eo Manon Deniau. Goude bezañ labouret pell diouzh Breizh he deus kavet tu da labourat evit ar mediaoù brezhonek e Penn ar Bed, goude desket ar brezhoneg ganti.
Buhez[kemmañ | kemmañ ar vammenn]
Studiet he doa al lizhiri e Skol-veur Roazhon 2, a-raok mont d'an Ensavadur Skiantoù politikel, da Bariz, ma echuas gant ur master kelaouennerezh[1].
Obererezh micherel[kemmañ | kemmañ ar vammenn]
Pa oa o chom e Dulenn e skrivas pennadoù paeet diouzh an oeñsad[2] evit Médiapart ha Ouest-France.
Pa zeuas da Vreizh en-dro e kavas labour er sizhunieg Le Poher e-pad un nebeud mizioù, a-raok dizoloiñ e c'helle deskiñ brezhoneg ken e c'hellfe ober he micher er yezh-se en ur heuliañ kentelioù amzer leun gant Roudour.
Labouret he doa er c'hazenneterezh brezhonek e 2021-2022, war hanter etre Ya! ha Radio Chrétienne Francophone Finistère[1].
E-barzh he fennadoù evit Ya! e tegas dour d'al linenn-stur nevez deuet e 2022 en ur reiñ pouez d'ar stourmoù sokial, d'ar stourmoù benelour hag ekologel ha da re ar vinorelezh jener ivez[1].
Pennadoù skrivet ganti (roll diglok)[kemmañ | kemmañ ar vammenn]
- DENIAU Manon, Rozenn Milin, ur simbol a esperañs, Ya !, niv 922, 7 a viz C'hwevrer 2023.
- DENIAU Manon, Liammañ an dud dre ar sevenadurioù hengounel, Ya !, 26 a viz Gouere 2023.
Notennoù ha daveennoù[kemmañ | kemmañ ar vammenn]
- ↑ 1,0 1,1 ha1,2 Julien Meffre, Manon Deniau, ur gelaouennerez er vro. E-barzh Le Télégramme, 19 Mae 2023.
- ↑ Oeñsad : doare da baeañ ar gelaouennerien hep o c'hoprañ (Geriadur an armerzh). Kevatal da baeañ diouzh marc'had.