Mamoudzou

Mamoudzou
Mamoudzou.
Anv e shimaore	Momoju
Melestradurezh
Stad	Frañs
Rannvro	Mayotte
Departamant	Mayotte (prefeti)
Kanton	Pennlec'h tri c'hanton
Kod kumun	97611
Kod post	97600, 97605, 97680, 97650
Maer Amzer gefridi	Mohamed Majani 2014-2020
Etrekumuniezh	Communauté d'agglomération de Dembeni-Mamoudzou
Lec'hienn web	http://www.villedemamoudzou.fr
Poblañsouriezh
Poblañs	71 437 ann. (2017)
Stankter	1 689 ann./km²
Douaroniezh
Daveennoù lec'hiañ	12° 46′ 44″ Su 45° 13′ 53″ Reter
Uhelderioù	bihanañ 0 m — brasañ 572 m
Gorread	42,3 km²
Lec'hiadur
[[Skeudenn:Mayotte topographic blank map.svg center]] Mamoudzou

Mamoudzou eo pennlec'h departamant tramor Mayotte e Meurvor Indez. Anvet Momoju e shimaore, ar rannyezh swahilek lec'hel, ez eo kumun bobletañ Mayotte. Dzaoudzi, war an enez vihan Petite Terre (pe Pamanzi), e oa ar gêr-benn gozh met dibabet e voe Mamoudzou da gêr-benn e 1977. Enni emañ an holl frammadurioù melestradurel, politikel, kenwerzhel hag artizanel kreiz. Ouzhpenn 50 000 annezad a zo bremañ o chom enni (war-dro 30 % eus poblañs hollek Mayotte).

Douaroniezh

Mamoudzou

Emañ kêr Vamoudzou war arvor biz Grande-Terre (pe Mahoré) a-dal da enez Petite-Terre (pe Pamanzi) e Kanol Mozambik, etre norzh Mozambik ha norzh Madakaskar. A-ramp war ar menez hag an arvor emañ, alese e loc'h ar c'hobiri a ya eus Grande Terre da Petite Terre.

Ouzhpenn kreiz Mamoudzou e-unan ez a seizh kêriadenn d'ober ar gumun : Cavani, Kawéni, Mtsapéré, Passamaïnty, Vahibé, Tsoundzou I ha Tsoundzou II. Ar c'hêrioù tostañ eo Dzaoudzi, Pamandzi, Koungou, Dembéni hag Ouangani.

Douarouriezh ha torosennadur

Emañ reter ar gumun en arvor, war ribl daou ouf dispartiet gant beg Mahabo. Ur blaenenn strizh eo hag a ya d'ober un drederenn eus tiriad ar gumun war-bouez nebeud. Naou-dinaou pe meneziek eo kreiz ha kornôg Mamoudzou, gant gwezh ha gwezh all traoñiennoù ar stêrioù hag a dreuz anezhi en tu kornôg-reter. Emañ beg uhelañ ar gumun e Menez Mtsapéré en norzh (572 m).

Hidrografiezh

Meur a stêr a dreuz douaroù Mamoudzou :

• Kwalé
• Gouloué
• Doujani
• Majimbini
• Kawéni la joli

Istor

Diorroet e voe Mamoudzou adal ar bloavezhioù 1860 evit eilañ ar pennlec'h Dzaoudzi. Tamm-ha-tamm e voe enframmet kêriadennoù kozh da heul ar c'hêriekadur. Lod eus ar c'hêriadennoù-se a oa anezho abaoe kantvedoù : Kaweni (XIV^vet kantved), Mtsapéré (dibenn an XVIII^vet kantved), Choa pe « pointe Mahabou », kêriadenn savet er bloavezhioù 1830 gant ar Sakalava a oa deuet a-gevret gant Andriantsoly. E Kaweni hag e Kavani e voe savet div blantadeg korz-sukr gant labouradegoù en eil hanterenn eus an XIX^vet kantved. Gallout a reer gwelet aspadennoù anezho c'hoazh.

Melestradurezh

• 

  Prefeti Mayotte.

• 

  An ti-kêr.

Prefeti Mayotte eo ar gumun. Rannet eo e tri c'hanton : Mamoudzou-1, Mamoudzou-2 ha Mamoudzou-3.

Roll ar vaered

Roll ar vaered
Mare		Anv	Strollad	Karg
2008	2014	Abdourahamane Soilihi	UMP	Senedour (abaoe 2011)
Meurzh 2014	→ bremañ	Mohamed Majani	Tu-gleiz diseurt

Poblañsouriezh

Poblañs ar c'hêriadennoù Kêriadenn 1997 2002 2007 Kavani 3 948 5 488 8 100 Kaweni 6 206 9 604 11 562 Mamoudzou 5 666 6 533 6 186 Mtsapéré 6 979 10 495 11 283 Passamainty 5 173 6 008 7 086 Tsountsou 1 2 093 3 058 3 398 Tsountsou 2 574 1 063 1 671 Vahibé 2 135 3 236 3 736 Niver dalc'het adal 1997 : Poblañs hep kontoù doubl

Emdroadur ar boblañs 1991 1997 2002 2007 2012 20 307 32 733 45 475 53 022 57 281 Niver dalc'het adal 1991 : Poblañs hep kontoù doubl

Liammoù diavaez

• (fr) Lec'hienn ofisiel an ti-kêr
• (fr) Kumunioù Mayotte e lec'hienn an EBSSA