Lukian Samosata
Lukian Samosata (henc'hresianeg : Λουκιανός ο Σαμοσατεύς Loukianós o Samosatéfs ; latin : Lucianus), bet ganet war-dro 125 ha marvet war-lerc'h 180, a oa ur retorikour asiriat, da lavarout eo aramaeger a orin, hag ur skrivagner henc'hresianekk. Fent ha flemm ha gaver en he skridoù. Kizellañ|Kizeller]] e vije bet ivez, ha beajiñ a reas dre an Impalaeriezh roman.
Beuzet e voe bro e gavell gant ar stankell Atatürk e 1989.
Buhez
[kemmañ | kemmañ ar vammenn]N'eur ket evit gwiriañ kement tra a zo bet kontet diwar e benn. Eñ a lavare e oa ganet e Samosata, e rouantelezh Kommagene, a oa bet enteuzet en Impalaeriezh roman, hag a oa ur rann eus Siria. Lakaet e oa bet da zeskiñ ar c'hizellañ gant breur e vamm, met paouez a reas adalek ar gentel gentañ.
En e oberenn e lavar bout sirian[1] asirian ha "barbar", da ziskouez marteze e oa "eus ar bobl semitek ha n'eo ket eus an Hellaziz a oa deuet da chom da Samosata"[2].
Oberennoù
[kemmañ | kemmañ ar vammenn]N'en deus ket gallet skrivañ ar 80 oberenn lakaet war e gont alies. Arnodskridoù, divizoù fentus, flemmus atav, hanter-hent etre an diviz prederouriezhel hag ar gomedienn, zo deuet a-zindan e bluenn : 150 dornskrid en holl zo bet lakaet war e gont.
Kentañ embannadur e oberennoù a voe graet e Firenze e 1499. Anavezet eo dreist-holl :
- Istor Gwirion, ur seurt romant ma'z a da veajiñ d'al loar ;
- Divizoù an Doueed, ha Divizoù ar Re Varv ;
- Dvizoù ar Re varv ;
- Amores hag An Azen, lakaet war gont Lukian, a vez gwelet evel oberennoù tud all.
- Dizemglev zo ivez diwar-benn piv eo oberour De Dea Syria ("Diwar-benn an doueez siriat").
Ur bern divizoù en deus skrivet evit godisat ar brederourien, en un doare tost da hini ar gineien. Seurtoù poelladennoù retorik a skrive ivez, evel Meuleudi d'ar Voalded, Meuleudi d'ar gelienenn, ha re all. Heklev oberennoù Lukian a glever en Operette morali ("Oberennoùigoù buhezegezhel") gant Leopardi.
Tud evel ar Suis Pierre Versins zo bet betek gwelout en e Istor gwirion , ma ya da veajiñ d'al loar, tad ar romantoù skiant-faltazi[3], goude ma n'eo nemet un danevell farsus hep tamm skiant ennañ. Gant ar skrid-se bepred e voe levezonet meur a oberenn, en o zouez Histoire comique des États et Empires de la Lune gant Cyrano de Bergerac ha Micromégas gant Voltaire.
An oberennoù
[kemmañ | kemmañ ar vammenn]Titloù e galleg peurvuiañ, hervez an troidigezhioù diwar ar skridoù orin.
|
|
Liammoù diavaez
[kemmañ | kemmañ ar vammenn]- A.M. Harmon, Kinnig Lukian Samosata
- Oberennoù gant Lucian of Samosata e Project Gutenberg
- Loeb Classical Library, levrenn 3/8 gant oberennoù Lukian, gant ar skrid e henc'hresianeg
- Alexander the false prophet - the successful travelling prophet of Asclepius and his oracular serpent god
- Oberennoù Lukian Samostata e sacred-texts.com
- An Doueez Siriat, e sacred-texts.com
- Oberennoù Lukian – Harvard University Press
- Erotes - Diviz diwar-benn ar gwir garantez, gwelout ivez: Erotes
Notennoù
[kemmañ | kemmañ ar vammenn]- ↑ (en) Harmon, A. M. "Lucian of Samosata: Introduction and Manuscripts." e-barzh Lucian, Works. Loeb Classical Library (1913)
- ↑ Keith Sidwell, Introduction to Lucian: Chattering Courtesans and Other Sardonic Sketches (Penguin Classics, 2005) p. xii
- ↑ Pierre Versins (Encyclopédie de l'utopie, des voyages extraordinaires et de la science-fiction, 1972), Jacques Van Herp (Panorama de la science-fiction, 1973), Jacques Sadoul, (Histoire de la science-fiction moderne, 1974), Jacques Baudou (La science-fiction, 2003)