Leto

Titaned
Reizh pe jener	plac'h
Anv e yezh-vamm an den	Λητώ
Tad	Koios an Titan
Mamm	Phoebe
Breur pe c'hoar	Asteria
Kompagnun(ez)	Zeus
Bugel	Apollon, Artemis
Azeulet gant	Mitologiezh Henc'hres
Present in work	Ilias

Leto (Λητώ / Lêtố e henc'hresianeg), anavezet eo evel Latona gant ar Romaned, a oa un doueez eus Hellaz kozh, a ouenn an Ditaned, a voe brazezet gant Zeus hag a c'hanas ar c'hevelled Artemis (Diana e Roma) hag Apollon.

Gouez da Hesiodos e oa merc'h d'an Titan Koios ha d'e c'hoar Foibe.

Mojennoù

Meur a vojenn zo diwar he fenn.

Hervez unan eus ar Meulganoù Homerek e oa pried Zeus a-raok dezhañ dimeziñ da Hera.

Heskinerezh ha gwilioud

Hervez mojennoù diwezhatoc'h e oa serc'h da Zeus. Brazezet e oa bet gant mestr an doueed ha heskinet e oa gant Hera, he devoa difennet ouzh an Douar degemer ar plac'h dougerez, ha ne gave lec'h ebet da c'henel he bugale, ha kaset he doa an naer Python war-lerc'h ar paourkaezh plac'h.

A-benn ar fin e kavas Ortigia (pe Asteria, diwar anv he c'hoar), un enezenn didud, a neuie war ar mor, kaset-digaset gantañ, ha ne oa ket dindan mallozh Hera eta peogwir ne oa stag ouzh douar ebet. Zeus a stagas an enezenn ouzh goueled ar mor, anvet e voe Delos (Δῆλος / Dễlos e henc'hresianeg, « splann, hewel »).

Nav devezh-pad e voe Leto er gwentloù, pa deuas Eileithyia, doueez ar gwilioud, da reiñ skoazell a-benn ar fin. Evel-se eo e c'hanas Artemis hag Apollon.

Klask a reas Tityos gwallañ anezhi met difennet e voe gant he bugale ha kastizet garv e voe an torfedour.
Evel he mab Apollon e oa a-du gant tud Troia e-pad brezel Troia.