Kazh loupard
| |||
|---|---|---|---|
 P. bengalensis
| |||
| Rummatadur filogenetek | |||
| Riezad : | Animalia | ||
| Skourrad : | Chordata | ||
| Kevrennad : | Mammalia | ||
| Urzhad : | Carnivora | ||
| Kerentiad : | Felidae | ||
| Genad : | Prionailurus | ||
| Anv skiantel | |||
| Prionailurus bengalensis (Kerr, 1792) | |||
D'ar vevoniezh   e tenn ar pennad-mañ. | |||
Ar c'hazh loupard (Prionailurus bengalensis) a zo ur bronneg gouez bihan eus gevred Azia.
A-vent eo gant ur c'hazh doñv. Diforc'hioù rannvroel bras a zo avat. En Indonezia e vuzuilh war-dro 45 cm gant ul lost 20 cm tra ma vuzuilh 60 cm e rannvro an Amour. E vlevenn vrizhellet zo melen gant spesadoù ar su, met da wenn-arc'hant ez a gant spesadoù an norzh. E vruched ha lodenn izelañ e benn zo gwenn.
Un aneval-noz eo. Hemolc'hiñ a ra evned, krignerien, pesked ha bronneged bihan. Pa antre e-barzh ur gêriadenn e c'hell tagañ ar pennoù-yer. En e-unan e vev, nemet da vare ar gouennañ. Etre 2 ha 4 c'holen o devez ar parezed goude un dougen 65 devezh.
Ar c'hazh loupard a vev e koadegoù dreist-holl, ha betek 3 000 metr uhelder. Bevañ a ra e-kichen an dour daoust na neuñv ket gwall alies. Pignat a ra mat-tre.
Ar c'hazh loupard a c'hell gouennañ gant ar c'hazh doñv: kazh Bengal a reer eus an hiron. Heñvel a-walc'h eo ouzh ar c'hazh loupard met kalz aesoc'h da zamesaat eo.
Isspesadoù
[kemmañ | kemmañ ar vammenn]- Prionailurus bengalensis bengalensis, India, Bangladesh, gevred Azia, Yunnan
- Prionailurus bengalensis borneoensis, Borneo
- Prionailurus bengalensis chinensis, Sina, Taiwan
- Prionailurus bengalensis euptailura, Reter Sibiria, Mongolia
- Prionailurus bengalensis horsfieldi, Himalaya
- Prionailurus bengalensis iriomotensis, Iriomote
- Prionailurus bengalensis javaensis, Java
- Prionailurus bengalensis manchurica, Mandchouria
- Prionailurus bengalensis minutus, Filipinez
- Prionailurus bengalensis sumatranus, Sumatra
- Prionailurus bengalensis trevelyani, reter Pakistan