Jeune Garde antifasciste
| Deiziad krouiñ | Genver 2018  |
|---|---|
| Stad | Frañs |
| Political alignment | tu-kleiz pellañ |
| Krouet gant | Raphaël Arnault, Safak Sagdic |
Ar Jeune Garde antifasciste (pe Jeune Garde ent-berr) eo anv un aozadur enepfaskour gall eus an tu kleiz pellañ, krouet e 2018. Alies e vez rebechet d'an aozadur bezañ feuls ha tost d'al luskadoù a-du gant ar stourm palestinian met enepyuzev.
Istor[kemmañ | kemmañ ar vammenn]
Ar Gward Yaouank enepfaskour a zo bet krouet e miz Genver 2018 e Lyon. Ouzhpenn Lyon e vez krouet ur skourr e Strasbourg e 2019, hag e 2020 ur skourr all e Pariz. E 2021, skourroù lec'hel a zo e Lille ha Montpellier. Simbol pennañ ar strollad a zo teir bir war zu an traoñ a-gleiz, evit ober dave da Kevrenn Frañs Etrebroadel ar vicherourien. Pennoù ar strollad eo Raphaël Arnault ha Safak Sagdic.
Ideologiezh[kemmañ | kemmañ ar vammenn]
Aozadur eus an tu kleiz pellañ, ar Gward Yaouank Enepfaskour a embann bezañ anarkour ha frankizour kement hag enepfaskour. Embann a ra bezañ a-enep ar gouennelouriezh, an diforc'hidigezh enep LGBT hag evit difenn gwirioù ar minorelezhioù.
Tost eo Raphaël Arnault (Raphaël Archenault eus e anv gwirion), penn ha degemenner kozh an aozadur, ouzh Jean-Luc Mélenchon hag ar re LFI/Insoumis betek bezañ pedet er Vodadenn Vroadel c'hall evit komz a-zivout ar sponterezh eus an tu dehoù pellañ[1].
Dilennadeg kannaded Bro-C'hall 2024[kemmañ | kemmañ ar vammenn]
Raphaël Arnault a zo war ar renk evit dilennadeg kannaded Bro-C'hall 2024, n'eo ket e Lyon met er Vaucluse[2] en anv d'an Talbenn ar Bobl Nevez ha gant harp LFI ar pezh en doa hegaset ar sokialourien lec'hel[3]. Ar re-se o devoa kinniget ur c'handidad Philippe Pascal, a zo bet trec'het hag end eus galvet da votiñ evit Raphaël Arnault a-benn ar fin o embann e oa eñ "ur c'handidad a galite"[4] En eil tro e vo enebet neuze da Catherine Jaouen eus ar Rassemblement national[5]
Rebechoù[kemmañ | kemmañ ar vammenn]
Rebechoù lies a vez graet d'an aozadur evel bezañ feuls ha broudañ d'ar feulster[6], kaout izili enep LGBT ha betek gouennelour[7]. Tri fichenn S a zo war Raphaël Archenault evit feulster ha broudañ d'ar feulster[8].
Aferioù[kemmañ | kemmañ ar vammenn]
Hervez Le Canard enchaîné, eizh ezel eus an aozadur a zo bet harzet e penn kentañ miz Gouhere 2024, evit un dagadenn enepyuzev war ur paotr 15 vloaz o doa soñjet bezañ ezel eus un aozadur feuls yuzev, al Ligue de défense juive[9][10]. Laosket int bet da vont gant un evezh lezennel war o chouk da c'hortoz e vefe barnet an afer[11]. Ar strollad evit en em zifenn a embann "n'eus ket bet oberioù enep-yuzev ebet gant an izili".
Notennoù ha daveennoù[kemmañ | kemmañ ar vammenn]
- ↑ (fr) Compte rendu de la première séance du lundi 03 avril 2023. Assemblée Nationale (2024).
- ↑ (fr) Diane Sprimont, "Législatives 2024 : le débat entre Raphaël Arnault et Catherine Jaouen, candidats dans la 1re circo du Vaucluse", France Bleu, 3 a viz Gouere 2024
- ↑ (fr) "Législatives 2024 : face au controversé LFI Raphaël Arnault, "c’est nous qui avons la légitimité de nous présenter", estime la maire PS d'Avignon", France Info, 19 a viz Even 2024
- ↑ (fr) Damien Frasson-Botton, "À Avignon, le dissident éliminé et l'antifa Raphaël Arnault (NFP-LFI) s'affichent main dans la main face au RN", La Provence, 2 a viz Gouere 2024
- ↑ (fr) Mélanie Ferhallad, "Législatives : Catherine Jaouen fera face à Raphaël Arnault dans la 1ère circonscription de Vaucluse", La Provence, 1 a viz Gouere 2024
- ↑ (fr) Robin Nitot ha Mayeul Aldebert, "La «Jeune Garde» : qui se cache derrière le groupuscule d'ultragauche adepte des actions violentes ?", Le Figaro, 16 a viz Mae 2024
- ↑ (fr) Laurette Duranel, "Lyon. Insultes islamophobes, transphobes et violences : les antifascistes se déchirent", actu.fr, 14 a viz Even 2021
- ↑ (fr) Étienne Baudu, "Les infos de 6h - Fiché S, un candidat aux législatives réplique : "Qu'on me sorte les condamnations", RTL, 19 a viz Even 2024
- ↑ (fr) Samuel Laurent, "Soupçons d’antisémitisme : huit militants de la Jeune Garde mis en examen après l’agression en réunion d’un mineur « en raison de la race, de l’ethnie, ou de la religion »", Le Monde, 3 a viz Gouere 2024
- ↑ (fr) Emmanuelle Ducros, "Facho, pas facho, on s’y tromperait", L'Opinion, 3 a viz Gouere 2024
- ↑ (fr) Romain Blanchard, "Huit militants de la Jeune Garde antifasciste suspectés d’agression antisémite : ce que l’on sait", Ouest France, 3 a viz Gouere 2024