Hervé Budes de Guébriant
| Reizh pe jener | paotr  |
|---|---|
| Bro ar geodedouriezh | Frañs |
| Anv e yezh-vamm an den | Hervé Budes de Guébriant |
| Anv ganedigezh | Hervé Marie Paul Budes de Guébriant |
| Anv-bihan | Hervé |
| Deiziad ganedigezh | 21 Eos 1880 |
| Lec'h ganedigezh | Kastell-Paol |
| Deiziad ar marv | 30 Mez 1972 |
| Lec'h ar marv | Kastell-Paol |
| Tad | Alain de Guébriant |
| Bugel | Anne-Marie de Budes de Guebriant, Alain Budes, Vicomte de Guebriant, Jean Budes de Guébriant |
| Familh | Budes de Guébriant |
| Yezhoù komzet pe skrivet | galleg |
| Micher | agricultural engineer |
| Karg | Prezidant |
| Bet war ar studi e | Institut national agronomique |
| Brezel | Brezel-bed kentañ |
| Luskad | social catholicism |
| Ezel eus | Vichy National Council, Union nationale des syndicats agricoles, Consultative Committee of Brittany |
| Prizioù resevet | Grand Officer of the Legion of Honour, Kroaz-brezel 1914-1918, Commander of the Order of Agricultural Merit, Knight of the Order of St. Gregory the Great |
Hervé Budes de Guébriant, ganet d'an 21 a viz Eost 1880 e Kastell-Paol ha marvet eno d'an 30 a viz Even 1972, e kastell Kernevez, a oa un ijinour gounezoniour diplomet gant Skol-uhel ar C'hounezoniezh e Pariz.
A-du gant mennozhioù ar gatoligiezh sokial e savas e 1906 e Kastell-Paol l’œuvre des jardins ouvriers, hag e 1911 ur c'hef asurañs labour-douar.
Prezidant an Office Central Agricole de Landerneau a voe etre 1919 ha 1941 ; diwezhatoc'h e teuas an Ofis da vezañ Triskalia, Groupama ha Kef kengred Breizh.
E 1941 e voe de Guébriant prezidant Union des syndicats agricoles departamantoù Penn-ar-Bed hag Aodoù-an-Hanternoz, ha prezidant Kambr al labour-douar Penn-ar-Bed.
D'an 22 a viz Genver 1941 e voe anvet gant gouarnamant Vichy da brezidant ar Commission Nationale d'Organisation de la Corporation agricole. Rannvroelour a-walc'h e oa e vennozhioù, hag ar prefed Jouany a ginnigas dezhañ post gouarnour Breizh e miz Gouere 1940, evel "Breton mat ha Gall mat", kuit ma vije savet gant an Alamaned ur gouarnamant emren gant un disranner en e benn[1].
Toullbac'het e voe e miz Du 1944 dre ma tamalled dezhañ bezañ kenlabouret gant an Alamaned met dieubet e voe e miz Eost 1945 dre ziouer a brouennoù. Goulenn a reas digant ar C'huzul Stad bezañ digollet dre ma oa bet toullbac'het diabeg, ar pezh a voe graet e 1952[2].
Embannadennoù
[kemmañ | kemmañ ar vammenn]- Deux conférences sur l'évolution agricole en Bretagne sous l'égide du Bleun-brug, 1953.
Mammennoù
[kemmañ | kemmañ ar vammenn]- Jean-Loup Avril, Mille Bretons : dictionnaire biographique, p. 183, Les Portes du large, Saint-Jacques-de-la-Lande, 2002, (ISBN 2-914612-10-9)
- Emmanuel Salmon-Legagneur, Les noms qui ont fait l’Histoire de Bretagne, p. 169, Coop Breizh/Institut Culturel de Bretagne, 1997, (ISBN 2-84346-032-8) et (ISBN 2-86822-071-1)
- René Patay, Mémoires d'un Français moyen, 1974, p. 131 et 133
- Étienne Maignen, "De 1940 à 1941, réapparition d'une Bretagne provisoirement incomplète, un provisoire destiné à durer", Bulletin et mémoires, SAHIV, tome CXIV, 2010, p. 241 et 242
Notennoù
[kemmañ | kemmañ ar vammenn]- ↑ Mémoires d'un français moyen, Docteur Patay, 1974
- ↑ Jean Marie Mayeur, Yves Marie Hilaire, Michel Lagrée Dictionnaire du monde religieux dans la France contemporaine