Hannover (bro)

Hannover (Hanover e saozneg, Hanovre e galleg) pe Priñselezh Hannover, zo ur vro gozh eus Alamagn.

Istor

Hannover


(Banniel sivil Hannover)	(Ardamezioù roueel)

Kêr-benn

Hannover

Penn ar stad

Roue Hannover

Kaoz zo eus Priñselezh Hannover abaoe 1636.
ur rouantelezh dizalc'h e oa eus 1814 da 1866.
ur broviñs eus Prusia e oa etre 1866 ha 1946.
ur rann eus land Niedersachsen eo hiziv.

Kêr Hannover eo ar gêr-benn.

Priñselezh

Da gentañ e oa bet anvet Priñselezh Calenberg, ur rann eus dugelezh Braunschweig und Lüneburg, a voe anezhi eus-talek 1432 betek 1803. Hannover e oa he c'hêr-benn.
Dugelezh Braunschweig und Lüneburg, unan eus stadoù an Impalaeriezh Santel Roman, a voe rannet meur a wech etre meur a briñselezh, hag un dug e penn pep hini.
Unan anezho e oa priñselezh Calenberg a'n em zistagas diouzh Priñselezh Braunschweig e 1432. Degouezhout a reas e Priñselezh Wolfenbüttel e 1584. E 1635 e voe dispartiet diouzh Wolfenbüttel adarre, war un dro gant Priñselezh Göttingen, a chomas stag outi avat.

En 1636 e voe kaset kêr-benn Priñselezh Calenberg eus Pattensen da Hannover, hag abaoe ez eo anavet evel Priñselezh Hannover. E 1692 e voe roet an titl a briñs-dilenner Braunschweig-Lüneburg d'an dug Ernst August. Anavezet e oa ar briñselezh evel Priñselezh Dilenner Braunschwieig-Lüneburg pe Priñselezh Dilenner Hannover.

Rouantelezh

E 1714 e teuas Dilennourien Hannover da vout Rouaned Breizh-Veur (gwelout Tiegezh Hannover). Kreskiñ a reas o levezon en Alamagn diwar neuze. E 1715 e tegouezhas dezho Priñselezh Lüneburg, hag ivez arc'heskopti Bremen a oa da Sveden betek neuze, hag eskopti Verden e 1719. E 1803 e voe aloubet ar vro gant armeoù gall Napoleon a chomas eno betek 1813. E 1807 e voe staget Hannover ouzh Rouantelezh Westfalen. E 1813 e voe adsavet ar briñselezh, hag e miz Here 1814 e teuas da vout Rouantelezh Hannover e Kendalc'h Vienna, evit lakaat ar roue saoz George III davout a-renk gant roue Württemberg. E Kendalc'h Vienna e voe aozet un eskemm douaroù etre Hannover ha Prusia, ha gant-se e c'hallas Hannover kreskiñ un tamm mat. Hanover a dapas Eskopti Hildesheim, Frizia ar Reter, the Kontelezh Izel Lingen, ha hanternoz eskopti Münster.

An unaniezh personel gant ar Rouantelezh Unanet a voe lakaet da fin e 1837 pa voe anvet Victoria da rouanez, rak abalamour d'al lezenn salek a dalveze en Hanover n'halle ket ur vaouez ren ma oa paotred vev en tiegezh (in the United Kingdom, a male only took precedence of his own sisters). In the Austro-Prussian War of 1866 e voe staget Hannover ouzh Rouantelezh Prusia hag e teuas da vout Proviñs Hannover.