Hankyoreh

kazetenn
Deiziad krouiñ	1988
Titl	한겨레
Stad	Korea ar Su
Luskad politikel	kleiz-kreiz
Sez sokial	Mapo District
Yezh an oberenn pe an anv	koreaneg, saozneg, yezhoù sinaek, japaneg
Stumm ar gazetenn	broadsheet
Lec'hienn ofisiel	https://www.hani.co.kr/, https://english.hani.co.kr/, https://japan.hani.co.kr/, https://china.hani.co.kr/
URL gwazh	https://www.hani.co.kr/rss/, https://japan.hani.co.kr/rss/

Hankyoreh (hangeul : 한겨레, "Ar vroad korean", pe "Ar vroad") zo ur gazetenn bemdeziek sukorean anvet Hankyoreh Shinmun (hangul : 한겨레신문 ; hanja : 韓係來新聞 Keleier korean"") en niverennù kentañ. Savet eo bet d'ar 15 a viz mae 1988 gant kazetennerien ar c'hazetennoù Dong-a Ilbo ha Chosun Ilbo.

Istor

Er bloaz 1988 e oa kontrollerezh ar Stad milourel sukorean o vont war wanaat da-geñver lezenn met chom a rae kreñv birvidik levezon ar Stad war ar media sukorean. Lavaret e veze e oa hentet pep tra gant sell Ministrerezh ar sevenadur hag ar c'hleweled, ha pep kazetenn e Su Korea en em gave gant an hevelep doare pennadoù war an hevelep pajennoù. Pa 'z eo bet krouet ar gazetenn Hankyoreh Shinmun ez eo bet lavaret gant e grouerien e oa "ar gazetenn gentañ dre ar bed o vezañ frank a-wir gant ar bed politikel ha hini ar c'hevala bras".

Evit talañ ouzh kement-se, strollad an Hankyoreh Shinmun a voulc'has un hent frank, a-gleiz ha broadelour korean, pell diouzh ar c'hleweled sukorean dre vras a oa a-du gant tro-spered kerwerzhel ha kevalaour SUA a-enep adunvaniñ Korea.

Broadelourien Korean an Hankyoreh Shinmun

Er bed enepkomunour a-grenn ar [|bloavezhioù 1980]] levezonet-dall gant SUAe oa tud an Hankyoreh o klask bezañ broadelourien Korean wirion o stourm evit Korea nemetken. Evit diskouez o dibarelezh hag o broadelouriezh korean gwirion ez eo nac'het ar skritur hanja (skritur a orin sinaek) : Hankyoreh e voe ar gazetenn gorean gentañ oc'h implijout ar skritur hanjun hepken. Ouzhpenn da se e oa bet chomet en ur implij an nebeutañ ar gwellañ ar skritur latin hag ar gerioù estren. Kement ha mont ganti e voe dibabet skrivañ a-blaen e-lec'h skrivañ a-blom.

Doareoù enklaskoù an Hankyoreh

Dre ma oant broadelourien gorean, tud Hankyoreh o deus sevenet un enklask don hag onest a-zivout lazhadegoù soudarded al lu sukorean, an SMRK (Strollad Marines Republik Korea) dreist-holl, e-pad Brezel Viêt Nam war Vietnamiz nannsoudard ha dizarmet. Labouret ez eus bet ivez war ar wallgudenn Lai Đại Hàn, tud bet ganet gant koubladoù tad sukorean ha mamm vietnamat, lod anezho o vezañ bet palforset gant soudarded Su Korea.

Liammoù diavaez

(en) Lec'hienn Ofisiel. Kavet : 14/01/2024.
(fr) Ar gazetenn Hankyoreh hervez Courrier international'. Kavet : 14/01/2024.