Georges Lombard

den
Reizh pe jener	paotr
Bro ar geodedouriezh	Frañs
Anv ganedigezh	Georges Julien Auguste Lombard
Anv-bihan	Georges
Anv-familh	Lombard
Deiziad ganedigezh	14 Meu 1925
Lec'h ganedigezh	11th arrondissement of Paris
Deiziad ar marv	13 Gwe 2010
Lec'h ar marv	Brest
Yezhoù komzet pe skrivet	galleg
Micher	politiker, alvokad
Lec'h labour	Pariz, Kemper, Brest
Strollad politikel	National Centre of Independents and Peasants
Diellaouet gant	dielloù-departamant Penn-ar-Bed
Prizioù resevet	ofiser al Lejion a Enor, priz Pêr Mokaer

Ganet eo bet Georges Lombard e Pariz e miz Meurzh 1925. E dad a zalc'he ul leti e Brest.

Studiañ a reas ar Gwir hag e tibabas en em staliañ evel alvokad e Brest e 1949. Buan e voe dedennet gant ar politikerezh.

Bet kannad Penn-ar-Bed (tu kreiz) eus 1958 da 1962 hag eus 1967 da 1968, dilennet e voe da senedour e 1971. Senedour e voe betek 1989.

Kuzulier departamant ha kuzulier rannvro eo bet ivez. Anavezet eo dreist-holl evit bezañ bet maer Brest (eus 1959 betek 1974) ha prezidant Kumuniezh Kêrel Brest (1974-1977 ha 1983-1989).

Unan eus difennerien vrasañ ar raktres evit hentoù Breizh eo bet. Kemeret en deus perzh e buhez ar CELIB ha deuet eo da vezañ prezidant war-lerc'h René Pleven. Evit enoriñ René Pleven e teuas dezhañ ar mennozh da adsevel Urzh an Erminig bet krouet gwechall gant an Dug Yann IV.

Kentañ prezidant Kuzul Sevenadurel Breizh (stumm kentañ) e voe eus 1981 betek 1986.

Ofisour urzh Lejion a enor Frañs e oa ha marc'heg urzh ar "Palmes académiques".

Resev a reas Kolier an Erminig e 1991.

Aet eo da Anaon d'an 13 a viz Gwengolo 2010 e Brest. Douaret eo bet e Bered Sant-Varzhin.

Mammennoù

Dictionnaire biographique du mouvement breton XX-XXIe siècles gant Lionel Henry, Yoran embanner, 2013.