Ici Breizh Izel
| Deiziad krouiñ | 3 Eos 1982  |
|---|---|
| Anvet diwar | France Bleu, Breizh-Izel |
| Stad | Frañs |
| Ezel eus | France Bleu |
| Aozadur mamm | Radio France |
| Yezh an oberenn pe an anv | galleg, brezhoneg |
| Yezh implijet | galleg, brezhoneg |
| Lec'hienn ofisiel | https://www.francebleu.fr/breizh-izel |
| Operating area | Breizh-Izel |
Ici Breizh Izel, bet anvet France Bleu Breizh Izel betek miz Genver 2025, a zo unan eus chadennoù ar rouedad Ici eus Radio France. Skignet e vez e Penn-ar-Bed, Aodoù-an-Arvor hag ar Mor-Bihan. Kroget e oa bet er bloavezhioù 1980 gant an anv "Radio Bretagne Ouest - Radio Breizh Izel".
D'ar 4 a viz Gwengolo 2000 e oa bet bodet chadennoù lec'hel Radio France er rouedad France Bleu, ha d’ar 6 a viz Genver 2025 eo bet adanvet France Bleu e Ici[1].
Tabut
[kemmañ | kemmañ ar vammenn]E 2020, pa oa bet kroget enkadenn ar c'horonaviruz e oa bet divizet gant ar renerezh paouez gant an holl abadennoù brezhonek diwar abegoù surentez. Kemennadennoù a oa bet skrivet gant an SNJ-CGT, sindikad kazetennerien, Unvaniezh Demokratel Breizh pe c'hoazh Kevre Breizh evit embann o c'hounnar ha displegañ e vije bet moaien derc'hel gant ar brezhoneg.[1][2]
E 2025 e oa bet divizet paouez da ginnig keleier e brezhoneg war ICI Breizh Izel. Ur sinadeg a zo bet lañset gant gopridi ar radio evit stourm a-enep an diviz-se. Displegañ a reont er gemennadenn "ne chomo nemet ur gelaouadenn div vunutenn skignet da 6 eur hanter a-raok ar mare kreñv, etre 7 eur ha 9 eur, pa vez 10 munutenn bremañ. A-hed an devezh eo ur rannadur dre bevar eus an amzer skignañ gouestlet d'ar c'helaouiñ e brezhoneg, o tiskenn eus 16 da beder vunutenn bemdez. E-pad an dibenn-sizhun e vo div wech nebeutoc'h a geleier e brezhoneg ivez, pa vo lamet un emgav diouzh ar mintin." Hervez Gurvan Musset, rener ar radio, emañ o "cheñch ar vicher hag hon selaouerien"[2] hag "un harz da dizhout selaouerien nevez"[3] e vefe ar c'heleier e brezhoneg. Ar gopridi eta a respont ez ar c'hiladennoù-mañ "a-enep d'ar palioù bet graet anv anezho nevez 'zo gant Kuzul broadel ar yezhoù ha sevenadurioù rannvroel."[4] [3]
Renerezh lec'hel
[kemmañ | kemmañ ar vammenn]- Rener: Gurvan Musset
- Kargad ar programoù : Chrystelle Guy
- Kargad teknikel : Yann Mainguy
- Pennskridaozer : Baptiste Schweitzer
Gwelet ivez
[kemmañ | kemmañ ar vammenn]Pennadoù kar
[kemmañ | kemmañ ar vammenn]Liammoù diavaez
[kemmañ | kemmañ ar vammenn]Daveoù
[kemmañ | kemmañ ar vammenn]- ↑ (fr) France Bleu change de nom et devient « ici ». Radio France (Genver 2025).
- ↑ https://www.ouest-france.fr/bretagne/finistere-mais-ou-est-passe-le-breton-sur-les-ondes-de-france-bleu-breizh-izel-6812160
- ↑ https://www.change.org/p/contre-la-suppression-des-infos-en-breton-sur-ici-breizh-izel-aux-heures-de-grande-%C3%A9coute-8fe9d4cb-8c54-4ea0-b812-c8aa664b7925?recruiter=500457950&recruited_by_id=9ad460d0-e16e-11e5-9c47-8fee54261151&utm_source=share_petition&utm_campaign=psf_combo_share_initial&utm_term=psf&utm_medium=copylink&utm_content=cl_sharecopy_490591884_fr-FR%3A5
|
Porched Breizh – Adkavit pennadoù ha rummadoù Wikipedia a denn da Vreizh. |