Donostia

Traoù heverk Donostia

Anv spagnolek

San Sebastián

Melestradurezh

Proviñs

Gipuzkoa

Spagn

Euskadi

20001-20018

Maer·ez
Amzer gefridi

Eneko Goia Laso (EAJ)

Lec'hienn web

https://www.donostia.eus/

Poblañsouriezh

Annezidi

Donostiarra

Poblañs

187 850 ann. (2022)

Douaroniezh

Daveennoù
lec'hiañ

1°59′W

Uhelderioù

kreiz-kêr : 6 m
bihanañ 0 m — brasañ m

Gorread

60,89 km²

Lec'hiadur

Donostia e proviñs Gipuzkoa

Donostia (anv ofisiel euskarek) eo kêr-benn proviñs Gipuzkoa, en Euskal Herria, ha graet e vez San Sebastián anezhi e spagnoleg (stumm kenofisiel er skridoù spagnolek, abaoe 2012) ha Donostia-San Sebastián pa vez implijet an div yezh^[1]. 187 850 a oa o chom e kêr e 2022, hag ar meurgêr a dizhas 436 500 annezad e 2010^[2].

War aod ar Meurvor Atlantel emañ, etre kêr Orio ha porzh Pasaia, 20 km eus an harzoù etre an div stad spagnol ha gall, ha 38 km eus kêr Miarritze. Brudet eo an draezhenn hag ar bae, a vez graet Kontxa anezhi (La Concha e spagnoleg).

Etimologiezh[kemmañ | kemmañ ar vammenn]

Daoust dezho bezañ ken disheñvel o deus Donostia ha San Sebastián ar memes ster: hini Sant Sebastian, sant-paeron ar gêr. An elfenn dona/done/doni a gaver e anvioù-lec'h euskarat zo a dalv "sant" hag e teu deus al latin domine, eil lodenn Donostia 'zo berradur anv ar sant.

Div zamkaniezh zo a zispleg daskemm an anv euskarek: unan a ginnig *Done Sebastiáne > Donasa(b)astiai > Donasastia > Donastia > Donostia, hag an hini all a ginnig *Done Sebastiane > *Done Sebastiae > *Done Sebastie > *Donesebastia > *Donasastia > *Donastia > Donostia.