Eüterpe

Euterpe, Johann Heinrich Tischbein

Euterpe a oa unan eus an nav Muzez, pe Merc'hed an Awen, e mojennoù Hellaz kozh. Merc'h e oa da Zeus ha Mnemosine.

An anv

Εὐτέρπη / Eutérpê eo an anv e gregach, ha talvezout a ra « a oar plijout  » , eus ar ger εὖ / eũ, « mat » ha τέρπω / térpô, « plijout ».

Doueez

Doueez ar Sonerezh e oa. Ur fleüt a veze ganti, an aulos, bet ijinet ganti. Diwezhatoc'h e plijo da livourien zo reiñ dezhi binvioù all, paper sonerezh. Ur gurunennad vleunioù a veze war he fenn pa veze da-heul Dionysos.

War bez Frédéric Chopin, e bered ar Père-Lachaise e Pariz, he gweler o ouelañ.

• 
  Euterpe, gant François Boucher
• 
  Euterpe hag Ourania, darn eus un daolenn gant Pompeo Batoni
• 
  Poltred Markizez Santa Cruz, gant Francisco de Goya. En Euterpe emañ ar varkizez.
• 
  Euterpe, gant Camille Roqueplan (1803-1855).