Chañ Maï Skragn

Eus Wikipedia
Sauter à la navigation Sauter à la recherche
Recycle002.svg
Ezhomm zo da vrezhonekaat ar pennad-mañ : treiñ an traoù manet en ur yezh all, pe lakaat en doare-skrivañ peurunvan ha netra ken, pe ober gant gerioù brezhonekoc'h ivez ouzhpenn.


Chañ Maï Skragn
Ganet 2 a viz Mezheven 1920
Fao

Jean-Marie Le Scraigne (graet e vez Chan-Maï ar Skrañgn pe Jañ-Mari Skragn anezhañ ivez) zo bet ganet d'an 2 a viz Mezheven 1920 er Fao, e-barzh parrez An Uhelgoad. Bez' e oa bet e dud oc'h ober o annez e-barzh Kervinaoued d'an Traoñ (Kervinaouet Izella bremañ), d'an 29 a viz Gwengolo pa oa bet ret dezhe paeañ o gouel-Mikael. Tost da drizek vloaz en devoa kuitaet ar skol a-benn labourat gant e dud a oa o terc'hel un ti-feurm evel an darn vuiañ eus an dud war ar maez d'ar mare-se. D'an oad a 27 vloaz e timez gant Louise Kras, hag eñ ha dont en-dro d'Ar Fao. Eno eo bet chomet trizek vloaz tre betek 1960 da vare « ar cheñch mod », mekanikoù nevez hag all, an dud o lakaat dle hag ar re-mañ noz-deiz o labourat evit lakaat dle ! Betek 40 vloaz eo bet peizant, merour, abalamour ma oa re start dezhañ al labour warnañ. Seizh bugel da vagañ. Ha dre-se eo aet kuit da labourat e-barzh ar mengleuzioù e-pad 20 vloaz, betek 1980. Ha da 60 vloaz e rakretred, ha bremañ n'eus ket « amzer da vevañ 'vel 'zo gled » (dleet). E-keit ma oa o labourat war ar mein e oa e vreur ar mestr, hemañ a oa aet yaouank-tre da zeskiñ pikañ mein. Hennezh, e-lec'h ma oa ar vengleuz, en devoa daou pe dri bark, lakaet deñved enno. Ha bremañ e ra Jañ-Mari war-dro an deñved eno.

E 1986 e oa bet savet ur c'honkour kontadennoù e brezhoneg gant ar CMB : lakaet en devoa e anv ha tapet ar priz kentañ gantañ, ur veaj er Yougoslavi. Tamm-ha-tamm, diwar goulennoù an dud, e oa deuet da vezañ ur c'honter, met gwall alies e veze ret dezhañ lakaat ar chontadennoù e galleg evit bezañ komprenet gant ar lod brasañ eus an dud, touristed anezho dreist-holl. Tud hag a zeue da Vreizh Izel da bourmen, ha c'hoant o devoa da c'houzout penaos e oa ar mod gwechall, ha penaos e oa diduet an dud da-geñver an nozvezhioù. Bremañ e plij kalz ar c'hontadennoù e brezhoneg d'an dud, hag alies e vez lavaret dezhañ gant ar re a vez o selaou : Mat, ha ret e vefe lakaat ar brezhoneg e-barzh peogwir e plij deomp klevet son ar vouezh war ar galleg. Ha bremañ ivez e vez ur bilbern tud a zo bet o welet anezhañ evit deskiñ kontañ e galleg, met start eo dezho gouzout peseurt mod e oa ar vuhez gwechall, aon en deus na deufent da vezañ konterien « akademik ».

« Ar c'hontadennou 'oa 'vel d'ar foenn 'ba'r parkeier gwechall », da lâret eo la oa c'hwezh-vat ganto, traoù naturel e-barzh hag ar memes tra gant ar c'hontadennoù. Met bremañ « n'eo ke' 'mes mod ».

Oberennoù[kemmañ | kemmañ ar vammenn]

Levrioù[kemmañ | kemmañ ar vammenn]

  • Rimodellou 'kostez an Huelgoad, Ar Skol Vrezoneg, 1999, ISBN 2906373788
  • (une version française de ce dernier titre (?))
  • Amzer ar vrezel 'kostez an Huelgoad, Brud Nevez, 2000, ISBN 2867751942
  • Drôle de guerre, Brud Nevez, 2001, ISBN 2908463407
  • Ma buhez e Kêr ar Vinaoued, Emgleo Breiz, 2002, ISBN 291121028X
  • Ma vie au Huelgoat, Emgleo Breiz, 2002, ISBN 2908463431
  • Un Huelgoatain vous raconte, 2004
  • Breman zo breman, neuze oa neuze, Emgleo Breiz, 2005, ISBN 2911210492

Enrolladennoù son[kemmañ | kemmañ ar vammenn]

War al lec'hienn An Tour Tan[kemmañ | kemmañ ar vammenn]

War al lec'hienn You tube[kemmañ | kemmañ ar vammenn]


Flag of Brittany.svg Porched Breizh – Adkavit pennadoù ha rummadoù Wikipedia a denn da Vreizh.
Open book 01.png Porched al Lennegezh vrezhonek – Gwelit ar pennadoù hag ar rummadoù diwar-benn al lennegezh vrezhonek.