Bleaz Sebasteia
Bleaz Sebasteia ( Άγιος Βλάσιος, Agios Vlasios e gregach; Սուրբ Բարսեղ en armenieg), mezeg e Sebasteia (Sivas, e Turkia, hiziv), e gêr c'henidik en Armenia, a oa eskob ivez, ha merzheriet e voe en 316 war urzh Agricola, gouarnour Kapadokia.
Pedet e vez da bareañ an dud gloazet o c'houzoug dre ur boentenn (un draen pesk, da skouer) pe klañv gant ar boan-c'houzoug pe tapet gant ar paz. Bez' ez eo unan eus ar sent-skoazellerien, ha diwaller kêr Dubrovnik ha hini Paraguay. Lidet d'an 3 a viz C'hwevrer er C'hornôg, ha d'an 11 a viz C'hwevrer er Reter.
Italia[kemmañ | kemmañ ar vammenn]
En Italia eo anavezet evel sant Biagio, hag enoret e meur a lec'h. Koulskoude ez eus sent all anvet Biagio ivez, hag Italianed anezho.
Kernev-Veur[kemmañ | kemmañ ar vammenn]
Enoret eo e Sant Blazey, anvet ivez St Blaise, e Restormel, e Kernev-Veur.
Pennadoù kar[kemmañ | kemmañ ar vammenn]
- Bleaz ha Sant Bleaz
- Blaise
- Biagio ha San Biagio
