Bernez Tangi

Arabat droukveskañ e anv gant hini Bernard Tanguy, klasker er CNRS.

Bernez Tangi
Bernez Tangi hag Olwenn Manac'h
Anv ofisiel	Bernard Tanguy
Obererezh	Kaner, Skrivagner, troer, difazier
Ganedigezh	11 Mezheven 1949 e Karanteg, Leon, Breizh
Yezh skrivañ	Brezhoneg
Enorioù	Priz Imram e 1986, Priz Langleiz e 2011

Lec'hienn ofisiel	bernez-tangi.com/
kemmañ

Bernez Tangi, ganet e Karanteg d'an 11 a viz Mezheven 1949, zo ur barzh, ur c'haner hag ul livour breizhat. Brezhoneger a-vihanik eo, ha divizet en doa mont da redek ar bed goude e studioù (Europa, Amerika, Azia, Afrika). Gant Denez Abernot hag un nebeud sonerien all en doa savet ar strollad rock e brezhoneg Storlok (1976-1980).

Er bloaz 2001 e nac'has ar priz Du-mañ Du-se deroet gant France 3 Ouest goude e levr Rod an Avelioù, en abeg da lec'h dister ar brezhoneg er media foran ; an hevelep priz a voe deroet dezhañ e 2011, ar pezh e vroudas da enrollañ ur c'hlip video anvet Gwerz ar skinwel a oa c'hoazh a-zivout stad ar brezhoneg er skinwel.

Oberennoù

Lennegezh

1986 : Fulennoù an tantad, Lesneven : Hor yezh (Mouladurioù Hor Yezh-Skrid) — Priz Imram 1986)
2001 : Rod an Avelioù, Mouladurioù Hor Yezh-Skrid
2005 : Chien de feu (Tarv Ruz). Un dibab barzhonegoù troet e galleg, embannet gant ur CD ma klever ar barzh o lenn ar skridoù brezhonek.
2010 : Ar Saouzanenn, barzhonegoù, Skrid (Here), Priz Langleiz 2011
2015 : 1973, romant (Skrid)
2018 : Dastumadeg an Anaon , barzhonegoù (Skrid)

Sonerezh

Gant Storlok

1978 : Gwerz An Dilabour/Gwerz maro Jorj Jackson (45 tro)
1979 : Stok-ha-stok

Gant Pempbiz

2011 : Pempbiz
2015 : Karantez, marv ha faltazi

E-unan

1990 : Kest al lec'h (kasedig embannet gantañ)
2001 : Eured an diaoul (An Naer Produksion)
2009 : Lapous an tan (Tarv Ruz)
2012 : Gwerz ar skinwel, kenlabour gant Yon Gouez
2015 : L'animal entraîne l'homme (IXIISIS Records) — Kenlabour gant an arzourez IXIISIS

Liammoù diavaez