Alessandro Sforza

Alessandro Sforza (Cotignola, 1409 – 1473) a oa condottiero italian, Aotrou Pesaro, penn skourr pesarat an Tiegezh Sforza.

Mab bastard da Muzio Attendolo Sforza, ha da Lucia Terziani da Marsciano, e oa Alessandro Sforza.

Breur e oa da Francesco Iañ Sforza, aotrou Milano, ha brezeliñ a reas gantañ meur a wech dindan e urzhioù, evit kemer douaroù ha kêrioù.

E 1442 en Assisi e oa o stourm ouzh arme ar pab Ujen IV, renet gant Niccolò Piccinino, unan eus meurañ grandi kabitened an amzer, hag ar c'hardinal Cusano. Alessandro Sforza a rankas en em dennañ da Rocca Maggiore, ha leuskel kêr d'ar breizherien ha freuzas Assisi, war-bouez div iliz, hini San Francesco ha hini Santa Chiara.

Dimeziñ ha bugale

Dimeziñ a reas e Kerzu 1444 da Costanza da Varano (1428-1447), merc'h da Pietro Gentile Iañ da Varano, ha daou vab o doe :

• Battista Sforza (1446 - 1472), a zimezas e 1460 da Frederico III Montefeltro (1422-1482), dug Urbino
• Costanzo Iañ Sforza (1447-1483), aotrou Pesaro, a zimezas da Camilla da Marzano († 1490), dugez Sessa.

Mervel a reas Costanza er gwentloù o c'henel Costenzo.

Bloaz goude, e 1448, ec'h addimezas da Sveva da Montefeltro (1434–1478), merc'h da Guidantonio da Montefeltro, kont Urbino. E 1457, dre aon rak un irienn gant an Tiegezh Malatesta da adkemer Pesaro, e lakaas anezhi en ur gouent.

Tri bastard en doe ivez :

• Giovanni Sforza (1466 - 1510), pried kentañ Lucrezia Borgia, tad da (Giuseppe Maria) Costanzo II Sforza
• Galeazzo Sforza (1470 - 1519)
• Ginevra Sforza (Ancona, 1440 - Bologna, 1507), dimezet div wech da zaou aotrou (podestà) eus kêr Bologna, eus an Tiegezh Bentivoglio :
  • en 1452 da Sante Bentivoglio, aotrou Bologna, gonfaloniere (1426-1463)
  • en 1464 da Giovanni II, aotrou Bologna (1443-1508)

Levrlennadur

• (de) Klaus Schelle: Die Sforza. Stuttgart 1980, ISBN 3512005772.

Liammoù diavaez

(it)

• Sforza enEnciclopedia Italiana
• Sfòrza ‹-za› en Enciclopedia Italiana