Lavreer-Botorel

Lavreer-Botorel
An ti-kêr.
Anv gallek (ofisiel)	Le Loroux-Bottereau
Bro istorel	Naoned
Melestradurezh
Departamant	Liger-Atlantel
Arondisamant	Naoned
Kanton	Lavreer-Botorel (pennlec'h) betek 2015, Gwaled abaoe 2015
Kod kumun	44084
Kod post	44430
Maer Amzer gefridi	Emmanuel Rivery 2020-2026
Etrekumuniezh	Kumuniezh kumunioù Sevr ha Liger
Bro velestradurel	Bro Gwiniegi Naoned
Lec'hienn Web	www.loroux-bottereau.fr
Poblañsouriezh
Poblañs	8 595 ann. (2020)
Stankter	190 ann./km²
Douaroniezh
Daveennoù lec'hiañ	47° 14′ 20″ Norzh 1° 20′ 52″ Kornôg
Uhelderioù	kreiz-kêr : 42,5 m bihanañ 2 m — brasañ 93 m
Gorread	45,31 km²
Lavreer-Botorel

Lavreer-Botorel (Le Loroux-Bottereau e galleg) a zo ur gumun eus Breizh, e Liger-Atlantel, e gevred ar vro. Pennlec'h Kanton Lavreer-Botorel, bet dilamet 2015, e oa.

Anv

• Erwan Vallerie ː Oratorium, 1073; Oratorium Boterelli, XIVt

Ardamezioù

Peuliaouet ha ginbeuliaouet en argant ha glazur troc'het an eil en egile, e ziv gebrenn en aour balirant e-kreiz an holl. Sturiad : Fortes in bello, in fide autem fortiores

Istor

Dispac'h Gall

• Krouet e voe kumun Lavreer e 1790 diwar ar barrez katolik. Lakaet e voe da benn Kanton Lavreer hag e Bann Klison. E 1800 e voe lakaet en Arondisamant Naoned.

XIX^vet kantved

Lannerell

• Krouet e voe kumun Lannerell e 1863 diwar ul lodenn eus tiriad Lavreer-Botorel.

XX^vet kantved

Brezel-bed kentañ

• Mervel a reas 154 gwaz ag ar gumun abalamour d'ar brezel, da lavaret eo 4,43% eus he foblañs e 1911.

Eil brezel-bed

• Mervel a reas dek den eus ar gumun abalamour d'ar brezel hervez monumant ar re varv.

XXI^vet kantved

• Lakaet e voe ar gumun e Kanton Gwaled pa voe diskaret Kanton Lavreer-Botorel e 2014.

Brezhoneg

• Gallout a ra an dud deuet deskiñ brezhoneg el Lavreer Botorel gant Kentelioù an Noz.

Monumantoù ha traoù heverk

• 

• Ar c'hastell.

• 
• 

• Melinoù e Le Pé.

• 
• 

• Iliz katolik Sant Yann Badezour.
• Monumant ar re varv er vered, luc’hskeudenn. Dioueliet e voe d’an 11 a viz Du 1920.
• Murlivadur 1914-1918 en iliz katolik gant an Abad Bouchaud, 1926, luc’hskeudenn.

Emdroadur ar boblañs abaoe 1962

Niver a annezidi

Tud

• André Boucher de la Bazillière, mestr ouzh Kambr ar C'hontoù Breizh e 1740
• René Angevin de la Maillardière, selaouer ouzh Kambr ar C'hontoù Breizh e 1749

Tud bet ganet eno

• Vincent Yves Boutin (1772-1815), ofisour gall ha spier an impalaer Napoleon Iañ.
• 23 Here 1934 ː Lucien Fruchaud, eskob Sant-Brieg ha Landreger, 07 Here 1992 / 20 Eost 2010.

Ardamezeg ar familhoù

	Angevin, Aotrounez la Maillardière	En argant e gebrenn en gul, eilet ouzh kab gant ur greskenn hebiaet gant div steredenn, an holl en gul, hag ouzh beg gant ur wezenn geotet"
	Ballet, Aotrounez Plessix-Glain	En sabel e valanenn en aour
	Barrin, Aotrounez Petit-Palet, Bazoges, Bas-Briacé	En glazur e deir balafenn en aour
	de Basoges, pe Bazouges, Aotrounez Beauchesne, Briacé, la Haye, la Salle	En glazur, e leon goudreustellet etre argant ha gul
	le Bastard, Aotrounez la Herpinière	Daouranet; ouzh 1 en aour e erez en sabel; ouzh 2 en glazur e vlourdilizenn en aour
	de Beauchesne Aotrounez al lec'h se	En gul e groaz en aour
	Boucher Aotrounez la Bazillière	En argant e deir balmezenn c'heotet, an div ouzh kab kein ouzh kein
	de l'Epervier / de l'Espervier Aotrounez ar barrez	En glazur e lammell en aour, heuliet gant peder bezantenn ivez en aour
	Petiteau Aotrounez le Chesne	En argant e gebrenn en gul heuliet ouzh kab gant div steredenn ivez en gul hag ouzh beg gant un erez en sabel iziliet ha pigoset en gul

Pennad kar

• Lannerell.

Liammoù

• Lec'hienn ofisiel Lavreer-Botorel

Levrlennadur

• Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• Erwan Vallerie : Diazezoù studi istorel an anvioù-parrez. Corpus. An Here. 1995