Aglaia (Fulenn)

Aglaia, unan eus ar C'harited.

Aglaia a oa unan eus an Teir Fulenn

Delwenn arem da Aglaia en Neuen Pinakothek e München.

• Ur pennad Aglaia zo ivez.

Aglaia (Ἀγλαΐα e gregach) zo unan eus an Teir Fulenn e mojennoù kozh Hellaz, hag ivez anv meur a vaouez all.

Kerentiezh

Ar yaouankañ eus ar C'haritezed, pe an Teir Fulenn, eo Aglaia (pe ur pevare hini, Pasithea, hervez Homeros), ha doueez ar Gened e oa-hi. Teir merc'h da Zeus ha d'an Okeanidenn Eurynome e oa an Teir Fulenn-se. Sede anvioù he div c'hoar all

• Eufrosyne, a oa fulenn al levenez
• Thalia, hini an imor vat.

Dimezet e oa Aglaia da Hefaistos, a oa Vulkan gant ar Romaned, ha mamm e oa da Eukleia ("brud vat"), Eufeme ("meuliñ"), Euthenia ("buz") ha Filofrosyne ("degemer mat").

Hec'h anv an hini zo bet roet d'an asteroidenn (47) Aglaja.

Levrlennadur

• Grimal, Pierre, The Dictionary of Classical Mythology, Wiley-Blackwell, 1996, ISBN 978-0-631-20102-1. "Charites" p. 99
• Smith, William; Dictionary of Greek and Roman Biography and Mythology, London (1873). "Charis"

Skeudennoù

• 
  Thetis e palez Aglaia hag Hefesto
  Tresadenn graet e 1795 gant Tommaso Piroli (1752–1824), diwar un dresadenn all gant John Flaxman e 1793 evit un embannadur eus an Ilias