Aelia Pulcheria

War ur pezh-moneiz skoet e Kergustentin (c. 421)

Penn Theodosius II, e mirdi al Louvre e Pariz.

Aelia Pulcheria (Kergustentin, 19 Genver 398 pe 399 - Gouhere 453) a oa merc'h d'an impalaer Flavius Arcadius, ha c'hoar henañ an impalaer roman Theodosius II.
Dimezet e oa d'an impalaer Marcianus (ren : 450-457), ha ren a reas gantañ eus 450 betek he marv e 453.

Anvet e voe da santez koulz gant an Iliz katolik roman hag an Iliz ortodoks ; d'an 10 a viz Gwengolo e vez lidet.

He buhez

E 408 e varvas he zad Arcadius hag anvet e oa bet ar prefed Anthemius da rejant. E 414 e voe anvet Pulcheria da Augusta ha da gulatorez he breur Theodosius, daou vloaz yaouankoc'h egeti. Ur gristenez deol e oa, ha gouestlet he doa chom gwerc'hez. Dre ma oa gwan he breur edo ar galloud etre he daouarn hag anal ar manati a oa el lez. Embann a reas reolennoù a-enep ar baganed hag ar yuzevien, ha diwar-se e voe lazhadegoù en Egipt, renet gant Kirillos Aleksandria, eskob Aleksandria ; enne e varvas ar brederourez Hypatia e 415.

E 421 ec'h aozas eured he breur Theodosius II gant merc'h ur retour eus Aten anvet Aelia Eudocia. Neuze e tisteraas he levezon betek 433, pa voe harluet Eudocia war an digarez faos e oa avoultrerez.

Lennegezh

• Pulchérie, pezh-c'hoari gallek gant Pierre Corneille e1672.

Levrioù

• (it) Angelidi, Christine. Pulcheria. La castità al potere (399-455). Milano : Jaca Book, 1998 (ISBN 978-88-16-43505-6)