Moger
Ur voger (eus ar ger latin maceria, sellout ouzh magoer e gwenedeg), pe mogerioù el liester, a zo un dra savet gant mein da ober ur gwasked, pe un harz, en ul lec'h bennak. Ur vogerenn a vez graet eus un darn eus ur voger.
Mogerioù a bep seurt zo hervez penaos int graet, ha pegen uhel int, ha petra a glasker ober ganto.
Darn zo tev, izel, darn zo graet gant koad, pri, brik. Lod zo graet gant mein, bihan pe vras, berniet hepken, lod all gant mein peget gant pri pe morter pe simant pe traoù all.
Mañsonerezh a vez graet eus ar sevel mogerioù alies.
Talvoudegezh[kemmañ | kemmañ ar vammenn]
Er savadurioù (tiez pe savadurioù uhel) e vez savet ar mogerioù evit krouiñ ar c'hostezioù (pevar gostez peurvuiañ) hag ar pezhioù-ti e-barzh. Evit dougen ar solieroù hag an toennoù e vezont savet, nemet pa vez staget ar mogerioù-rideoz ouzh frammadur diabarzh ar savadur uhel-tre (ar skraberioù-oabl da skouer).
Pa vez tanav ar mogerioù diabarzh e vez kaoz eus speurennoù e prenn, e plastr, e betoñs, e brik hag all.
Pa vez savet mogerioù dindan an amzer e intenter lakaat un disparti etre daou spas digor ken e vez krouet un vevenn surentez war unan eus an tuioù. Evit diwall ma ne ya ket loened ha tud e lec'hioù zo e vezont savet ivez.
Savet e vez mogerioù evit bezañ gwarezet ouzh fenomennoù naturel evel an dour, an avel pe an heol pe ouzh an trouz (moger eneptrouz).
Seurtoù mogerioù[kemmañ | kemmañ ar vammenn]
- fardell
- mogeriad
- moger-difenn
- moger dreuz
- moger enepdiruilhad-erc'h
- moger eneptrouz
- moger gêr
- moger grapadenn
- moger greñv
- moger harp
- moger harz-tan
- moger-souteniñ
- moger tro
Mogerioù a bep seurt[kemmañ | kemmañ ar vammenn]
Moger a vez graet eus traoù damheñvel ouzh ur voger fetis.
- Moger an Atlantel, un hollad difennoù spannaennek
- Moger ar son a dalvez un harz difetis a c'hell bezañ treuzet gant ar c'harbedoù (buanoc'h eget tizhded ar son)
Mogerioù bras[kemmañ | kemmañ ar vammenn]
Lec'hanvadurezh[kemmañ | kemmañ ar vammenn]
Kavet e vez ar ger e lec'hanvioù brezhonek ha darn anezho a vez gwelet evel roudoù kozh-tre galian-ha-roman peurliesañ. Gwelet e vez Kervoger (Kermoguer), Porzh Moger, Penn ar Voger, Roz ar Voger.
Yezh[kemmañ | kemmañ ar vammenn]
- Mogeriañ ur gêr zo sevel ur voger en-dro dezhi.